Ləşkəri zəmini ğıvvə komandir: bəsici rəftor, İslomi Respublika zumandəti əlovə kardedə

İron İslom Respublika Ləşkəri zəmini ğıvvə komandir de işorə bə İslomi İroni milləti bəsirət, votışe: bəsici rəftor, har ruj İslomi Respublika zumandəti əlovə kardedə.

Bə İrna raporti əsos, Zinə şəv, Əraki İmom Əlməhdi (əc) məçitədə ım şəhrıstoni Mustəfa Xomeyni məntəğə şəhidon və Əraki şəhrıstoni bəsici şəhidon 3minnə yolqətey mərosimədə, Qeneral Kiyomərs Heydəri əlovəş kardə: İroni İslomi Respublika ğudrət, bə ıştəni etımo kardey, alimə cıvonon, diyəro jəy rəketon, ruşinə alimon, bəsirətinə imom iyən inğilobi yolə Rəhbəri hidoyəton xoto icod bıə.

Əv ijən bəyonış kardə: meydonədə iştirok iyən bəsirətinə milləti vecud, və şəhidon pokə xun, İroni İslomi Respublika zudrəti co qılə illətonin.

İslomi Respublika ləşkəri zəmini ğıvvə komandir ijən dəvomış do: ım inğilobi iğtidori oqəteyədə ki bənə şəhidon əmonət bə hisob omeydə həmmə kəson məsulin.

Qeneral Heydəri ijən əlovəş kardə: bəpe həmmə ım iğtidori əlovə bey iyən oqəteyro, bəsici rəftorımon bıbu, və ım rəftor bənə şəhidon be iddio iyən xalisonə xıdməte.

Əv ijən votışe: dəvardə soronədə Amerkə bə çəmə sərzəmini təməış be əmmo vaxti İroni ğudrəti vindışe bə ım sərzəmini diyə kardey ciqəş nıbe iyən həni həm ciqəş ni.