Əmirəbdullahiyan: Ələğsa Tufani əməliyot, dınyo bə hərəkət vardəşe
İroni Xarıci vəzir ıştə umu nışoş do ki de Ğəzzə tanqədə otəşvəsi icod kardey, Fələstini hırdənon və jenon ozodi iyən əsiron mıbodilə kardey vositə məntəğədə əmniyyət və stabiləti icod bıbu.
Bə İran Peres aqentiyəti raporti əsos, Huseyn Əmirəbdullahiyan bə Ğəzzə tanqədə otəşvəsi bino bey iminnə reaksiyaədə bə Fələstini məzlumə milləti ələyh sionist rejimi cinoyəton oqəteyku ıştə rizoyəti nışoş do və votışe: Fələstini İslomi Muğavimət (HƏMAS)-i rəftor məntıği iyən insoniye.
Əmirəbdullahiyan Ğətərədə de Fələstini İslomi Muğavimət (HƏMAS)-i siyosi ofisi sədr İsmail Həniyyə vindemonədə votışe: canqi əvvəliku HƏMAS vey ğoym be ki ğeyri hərbi əsiron ozod bıbun əmmo israili tərəf ım məsələ barədə muxalif be.
Əv Ğəzzə canqi barədə de işorə bə İroni diplomatiya təşkiloti dəvardə 2 ruji cəhdon təsdiğış kardə: sionist rejimi cinoyəton oqətey bəpe dəvomış bıbu ta məntəğə əmniyyət və stabiləti tojə mərhələdə ğəror bıqəto.
Fələstini muğavimət bə Ğəzzə və işğol bıə sərzəminon co qılə məntəğəon milləti ələyh sionist rejimi təcavuz və işğolçiyəti cəvobədə Oktiyabrə manqi 7 minnə rujədə bə ım rejimi ələyh Ələğsa Tufani əməliyoti binoş kardə.
Sionist rejim bənə həmişə de jimoni vırəon bombardımon iyən molki şəxson ğətli-am kardey bə muğaviməti əməliyot cəvob doşone.
Nəhayətədə ım rejim bəştə əsiron ozod kardey xoto ıştə əməliyotədə məğlubiyəti ğəbulış kardə və muğaviməti vədə təslim bıə.