Əmirəbdullahiyan Ğəzzədə sionist rejimi etosniye məhkumış kardə
Zinə şəv, İroni xarıci vəzir, Huseyn Əmirəbdullahiyan de Alena Berboki telefoniyə votımonədə, Ğəzzədə sionist rejimi etosniye məhkumış kardə.
Bə İrna raporti əsos, ım votımondə Əmirəbdullahiyan de işorə bə Ğərbi sahil və Ğəzzədə hırdənon, jenon və molki şəxson ğətli-ami dəvom işorəş kardə və ijən bə ım mevzu təkidış kardə ki bəpe beynəlxalğə ictima bə ım vey muhimmə mevzu məxsusə diğğətışon bıbu.
Əv ijən 2 tərəfiyə rabitəon barədə bə İron İslom Respublika və Almaniya miyono torixi və mədəni nezətion işorə və əlovəş kardə: bə mıştərəkə mənafe təmərkoz kardey və mıtəğubilə ehtırom noey, muxtəlifə baxşonədə rabitəon zumand kardey və oqətey təkidımon heste və həminə çərçivədə İron İslom Respublika Tehron və Berlini miyono rabitəon hevujətiku himoyə kardedə.
Almaniya xarıci vəzir ijən Fələstini təhəvvulaton barədə de işorə bə behroni hevuj nıkardey zərrurət ijən votışe :Ğəzzə behroni həll kardey fəğət siyasi hələkə roon jiədə mumkine.
Berbok həm ım telefoniyə votımonədə votışe: Almaniya tələbış heste ki məntəğədə daveon kam kardeyro İroni koməki tələb kəmon.