Bə İron və Tacikistoni miyono mədəni həmkoəti hevuj kardey bıə təkid

İsfahan viloyəti tele-rədyo sər direktor de Tacikistoni mediya nımoyəndə heyəti bıə didoədə çe dıqlə kişfəri miyono mədəni həmkoəti hevuj kardey təkid kardəşone.

Tacikistoni mediya nımoyəndə heyət de İron İslom Respublikə noiliyyəton və imkonon oşno bıey və de mediya hartərəfinə rabitəon zumand kardero bə İron səfəş kardə.

Tacikistoni Xarici Koon vəzərotxonə sıxanəvot və əy mışoyiət kardə nımoyəndə heyət çe İsfahani viloyəti tele-rədyo mıxtəlifə vıronəndə,ə cumlə bərnoməon bə efir doə vırə,xəbə agentəti redaksiyədə,pevolo və musiği studiyəonədə, radio şebəonədə bıən.

İsfahani tele-rədyo Mərkəzi sər direktor de Tacikistoni mediya nımoyəndə heyəti bıə vindemonədə təkidış kardə:İron və Tacikistoni həmməysə dıjdə mıştərəkə xısusiyyət,çəvon mısılmonəti və bə eyni zıvoni soyb bıeye ki,ım həm həmdıləti iyən empatiya vardedə.

Bə tele-rədyo xəbə agentəti məlumoti əsos, İsfahan əyoləti tele-rədyo sər direktor Yusif Əfşarniya zinə şambə ruji de Tacikistoni mediya nımoyəndə heyəti bıə didoədə votəşe:çəmə de dust iyən mısılmonə milləti bıə mədəni,zıvoni və hamsuyəti nezətiyon sayədə de Tacikistoni məmləkəti mediya və proqramon sahədə dı tərəfinə əloğə və mədəni rabitəonımon heste.

Əfşarniya əlovəş kardə:bıvəti məsələ çe İsfahan viloyəti tele-rədyo de Tacikistoni televiziyə və rədyo kanalonku qıləyni miyono icod bıey bəzıne.