Huseyn Əmir Əbdullahiyani bə Ğətəri bıə səfə

İron İslom Respublikə xarici koon vəzir Huseyn Əmir Əbdullahiyan çoşanbə şəvi de qıləy nımoyəndə heyəti rəhbərəti Tehroniku bə Doha bəro dəqiniyə.

Bə İRNA- məlumoti əsos;bın səfə zəmonədə Huseyn Əmir Əbdullahiyan de Ğətəri barzə rutbəynə rəsmiyon vindemonış kardə və Fələstinədə bıə oxonə hodisəon mızokirə bəkarde və çe Ğəzzə bemıdofiə xalği çe seonist rejimi tərəfiku ğətli-ami vəy qəteyro həlli roon,behroni bəkam kardey və həmçinin dıtərəfinə əloğəon həxədə mızokirə bəkarde.

Ğəzzə hodisəon inkişofi əvvəliku İron İslom Respublikə bə seonist rejim iyən AİŞ-i oşkoə şikilədə xəbərdorəti kardəşe ki,canqi dəvom kardey regiyonədə bə yavə vəzyəti ziyodəti səbəb bəbe.

Ğəzzədə kritik və behroni vəzyəti icod bıə zəmoniku,ım çe İron İslom Respublikə xarici koon vəzərotxonə rəhbəri bə Ğətəri bıə çominə səfəy.