İron İslom Respublikə xarici koon vəzir:Mədəniyyət çe sulhi votemonon əsosə sutune

İron İslom Respublikə xarici koon vəziri təkidış kardə:ımruj fərhənq və mədəni ğudrət sulh və bəico jimoni mızokirəon əsosə sutune.

İron İslom Respublikə xarici koon vəzir Huseyn Əmir Əbdullahiyan zinə(cımə şəv) çı İroni kəsoybəti kardə Ğədimə Sivilizasiyəon 7-ə Foruməda votəşe:Afinadə bıə iminə iclosədə çe Ğədimə Sivilizasiyəon təşəbbıs bo sulhışpiyə dınyo qıləy erjinə qəm bıə.

İroni Mətbuat Xəbə Agentəti məlumoti əsos,İroni xarici koon vəzir Huseyn Əmir Əbdullahiyani əlovəş kardə:ımruj dınyo çe hoziyə diskurs və beynəlxalğə prinsiponku vositəçi istifodə təsironku əziyyət kəşeyədə dəvom kardedə.

İroni xarici koon vəzir bə Ğəzzədə bı vəzyyəti işorə kardə holədə,ımış çe bəşəriyyəti çəkutədə bıə ləkəş zıne və əlovəş karde:hafto sorisə ziyodə işğal və ğəsbkor rejimi cinoyəton çe insoni təsəvvıriku bə kənoye.

Əmir Əbdullahiyani həmçinin votəşe:oxonə 75 rujədə 20 həzosə ziyodə mılki vətəndo kıştə bıə və çe Fələstini milləti kuç doey,çe israyili Ğudsi-Şərifədə bə mədəniyyəti koon tiy səmt doə bıə hərəkəton co qıləy hissəy.

İroni xarici koon vəziri əlovəş kardə:çe Sulhi sivilizasiyə navəşənon bıə ğədimə sivilizasiyəon ın cinoyəton məhkum kardey kəno,çın vəzyəti vəy qətey və hərbi cinoyətkoron muhakimə kardero ıştə qırd imkononku istifodə kardedən.

Əmir Əbdullahiyan 2023-ə sori mısılmonon mığəddəsoton təhğir kardey şoydəti işorə kardə holədə voteşe:Mığəddəsə kitobon təhğır kardey ğərəz yavə siyosi məğsədiku və milləton və dinon miyono təfrığəku co qıləy səbəbış ni və İron İslom Respublikə ın hərəkəton məhkum kardə holədə,bın miyono çe məsul hukumətonku səhihə rol ifo kardey tələbış karde.