İroni islamiyə şuraon səçınədə namzədon nomi ğeyd karde 14 faiz rost bəy.

İroni səçın mərkəziyə kamissiya rəis dəvardə dıvrəon mığoyisədə İronədə di və şəhron islamiyə şuraon səçınədə namzədon nomi ğeyd karde barədə 14 faiz inkişof və ziyod beyku xəbəş do.

Əli Əsğər Əhmədi votışe: İroni di və şəhron islamiyə şuraon bım dıvrə səçınədə 287425 nəfər ıştə nomi bənə namzəd ğeydışon kardə.

İroni səçın mərkəziyə kamissiya rəis əlovəş kardə: icraiyə heyəton təşkil doə bərnoməon çərçivədə namzədon nomi ğeyd karde proses Marti 20 ədə bino bəy ijən detosə Marti 26 dəvomış peydo kardə.

Əhmədi ijən votışe: ım miğdor namzədonku 54858 nəfər şəhrədə və 232537 nəfər dionədə ıştə nomi bənə namzəd ğeydışon kardə ki ım miğdor namzədonku 17875 nəfər jen və xanomonin.

İronədə Mayə manqi 19 ədə de prezidenti 12 minə səçıni bərobər di və şəhron islamiyə şura 5 minə dıvrə səçın həm bərpo bəbe.