İronədə Dey manqi 9 nə ruji Ğəhrəmonəti sorqardışi yolə aksiya.

İronədə Dey manqi 9 nə ruji sorqardışi yolə aksiya de İronıjə bəsir iyən oğoə milləti huzuri İroni 1200 qılə şəhr və diədə bərpo be.

Bə telerədio raporti əsos İroni oğo və yolə millət ımruj ijən Hecri Şəmsi 1388 nə sori Dey manqi 9 nə ruji aksiya sorqardışədə ki təğvimədə çı bəsirət iyən de vilayət və inğilab ujnən əhd dəbaste ruj ğeyb bəy deştə əzəmətinə oğoə iştirok və aksiyaon ıştəniku co qılə tarixiyə ğəhremanti nışoşon do.

İroni millət ijən ımruj de islamiyə inğilabi əliyə simvolon ıştə əhdi tojəşon kardən.

Qilan ostani tolışə şəhronədə həm cəmaət bənə İroni həmmə vırəon ımrujnə ruji mərasimon əziz və yol dəvoniyəşone.

Bəsirət nomo bıə ruj bənə əbədiyə yəmollah qıləy ruje ki İroni millət deştə əzəmətinə huzuri ujnən deşməni nomidış kardə və bə fitnəkoron ne vote sayədə sabit kardən ki inğilabi simvolon və ıştə islamiyə nizom, İmom Xomeyni(r) aliyə hədəfon iyən İroni Yolə Rəhbəri velayəti pidəşone.

İroni millət ımruj təkidış kardə ki Dey manqi 9 nə ruj bənə qıləy ruje ki millət ujnən nışoş do əqə deşmən çəvon dini vədə bəmand və əvon həm çəvon dınyo vədə bəmanden.

Ğeyd kəmon ki Hecri Şəmsi 1388 nə sori bərobər de miladi 2009 nə sor Amerkə İronədə ğeyri ğanuniyə aksiyaonku himoyə karde çandə cəhdış kardə ki bə İroni islamiyə nizomi Əleyh zərbəon varid bıkə anədə ki Amerkə xarıci Hilari Kilinton ojə-oşkor İronədə fitnəkoronku himoyəon dəvom peydo karde bardə sıxənanış kardə.