Kermanədə terroristi hodisə bəpeşt İroni Yolə Rəhbəri təsliyət mesaj

Cinoyətkoron aqah bıbun ki Suleymani roy əskəron çəvon cinoyət iyən rəzoləti tov nibəvardın.Kermani şəhidon ğəbıstoni royədə bıə i dastə çı şəhid Suleymani ğəbi zairon qıləy terroristi hodisə cərəyonədə şəhodəti bəpeşt, İroni Yolə Rəhbər təsliyət mesaji sadirış kardə.

İroni Yolə Rəhbəri mesajədə ğeyd be:İroni şər və cinoyətkorə dışmenon ijən faciə ofəyəşone iyən Kermanədə çı şəhidon ətrinə məntəğə iyən ğəbıstoni nezi çandə çı İroni əzizə milləti şəhidışon kardə.

İroni millət əzodor bıə iyən vey ailəon ıştə əzizon və ciqəri i tikə matəmədə əzodor bıən.Ssığə dılışon bıə cinoyətkoron bə şəhid Suleymani və çəy ğəbi aşiğ mandə milləti hərorətinə iştiroki tov nıvardışone .

Cinoyətkoron aqah bıbun ki Suleymani royədə hərəkət kardə əskəron həm çəvon cinoyət iyən rəzoləti tov nibəvardın.Həmbə beqınohon xuni notəmiz bıə daston və həm fəsodinə şər ğandə fikon ki əvoni bə ın qimroəti kəşəşone ısət ədolətinə cəzo və ğəti reaksiya həmlə hədəfədən.

Aqah bıbun ki jığonə faciə ofəye vey şiddətinə reaksiyaonış bəbe, de Xıdo izni.

Az, mısibət vinəailəon əzoədə de əvon həmdıl iyən bə icoim, və Xıdoku bo əvon səbr, dılvandi iyən təsəlla(oroməti) tələb kardəm.

Şəhidon ruf inşaəllah dıqılə aləmi xanım iyən şəhidon inə Xanım Həzrət Seddiğə Tahirə(s) nəzdədə mehmonin.De jodisə zəxmin bıə kəson həmdardi kardəm iyən Xıdovənde xalıği dərqahku bo əvon şifo tələb kardəm.