İsmoyl Həniyyə bə Tehroni səfə iyən çəy de Huseyn Əmir Əbdullahiyani vindemon
İsmoyl Həniyyə bə Tehroni səfə iyən çəy de Huseyn Əmir Əbdullahiyani vindemon
" İsmoyl Həniyyə bə Tehroni səfə iyən çəy de Huseyn Əmir Əbdullahiyani vindemon.Fələstini İslomi Mığovimət Hərəkoti(HƏMAS) siyosi ofisi rəhbər İsmoyl Həniyyə zinə ruji(çoşanbə) bə Tehroni səfəş kardə və de İroni xarici koon vəziri Huseyn Əmir Əbdullahiyani vindemon və Ğəzzə tanqə hodisəonış muzokirə kardə.bə İRNA məlumoti əsos, Ğəzzə tanqə oxonə vəzyəti bərrəsi və çı seonist rejimi Ğəzzə tanqə və İordan ru ğərb sahilədə bə fələstınıjon ələyh dəvominə təcavuz çın səfə muhimmə mevzuonkuye. İron İslom Respublikə seonist bə fələstınıjon ələyh dəvominə təcavuz və genosidi bino beyku şəş manqi ərzədə muharibə oqətey və bə Ğəzzə xalği humanitarə koməq vığandeyro ıştə qırd diplomatik zukuş istifodə kardə.çı Həniyyə bə Tehroni səfə İMT Əmniyyət Şurə Ğəzzə tanqədə bə dərhol otəşvəsi zəruri bıey dayir ğqətnomə ğəbul kardey I ruj bədiqə bə əməl omə. seonist rejim ləşkər 2023-ə sori oktyabri 7-ku bə Ğəzzə tanqə muxtəlif məntəğəon hucumon nəticədə 32 həzo 333 fələstınıj şəhid bıə,74 həzo 694 nəfər həm zəxmin bıə.İroni xarici koon vəzir həm Əl-Əğsa tufoni əməliyyot və çı seonist rejimi bə Ğəzzə tanqə hucumon şiddətin bıey bədiqə ıştə bə Ğətəri poytaxt Doha səfə zəmonədə çandə kərə de Həniyyə vindemon iyən çe Ğəzzə tanqə hodisəon həxədə neziku muzokirəon kardəşone.
