Prezdent Rəyisi bə Həniyə təsliyət.

İron İslam Respublika prezdent de Fələstinı islamiyə mığavimət hərəkati siyasiyə dəftərxonə rəisi ailə uzvon şəhodəti mınosibəti ki sionist rejimi hərbiçion hucumədə bə şəhodət rəsən təsliyətış vote.

İron İslam Respublika prezdent de Fələstinı islamiyə mığavimət hərəkati siyasiyə dəftərxonə rəisi ailə uzvon şəhodəti mınosibəti ki sionist rejimi hərbiçion hucumədə bə şəhodət rəsən təsliyətış vote.

Zinə 4 şanbə apreli 10 nə ruji sionist rejimi silohinə ğıvvon həvoiyə hucumədə bə İsmail Həniyə hırdənon və nəvan həml əkə maşini ki Ğəzzə Əlşati ordoqahədə əncom bə , Həniyə 3 qılə fərzənd və çəy 3 qılə nəvə bə şəhodət rəsən.

Bə telerədyo aqentəti xəbon əsosi İron İslam Respublika prezdent sed İbrahim Rəisi bə İsmail Həniyə vığandə mesajədə cinayətkarə sionist rejimi vəhşiyə hucumış bəĞəzzə Əlşati ordoqah ki bə çandə nəfə məzlumə Fələstinıji mincumlə Həniyə 3 qılə fərzənd və 3 qılə nəvə şəhodəti bois bə , məhkumış karde.

Rəisi əlovəş karde şək ni ki ım cinayət israilı vəhşi iyən hırdən əkıştə xusiyətış oşko karde və nışonış do miyono şe batalığiku nicat pəydo kardeyu və ıştə ocizəti puşneyu  və mığavimət cəhbə vədə bəştə roya nırəse xoto bə insoniyəti zid bə əxlağ və insoniyəti heç qılə osoli bovəş ni.