İron Amerkə bə Suriyə rəketinə hucumış məhkum karde.

İron İslam Respublika xarici koon vəzorətxonə sıxanəvot Amerkə bə Suriyə həvoiyə mərkəzi hucumış məhkum karde.

İroni xarici koon vəzorətxonə sıxanəvot Bəhram Ğasımi ımruj sıb Amerkə bə Suriyə həvoiyə mərkəzi zid rəketinə hucumon vədə reaksiyaş nışon do və votışe:İron ım əsrədə bənə qıləy məmləkət ki kimiyaviyə silahonku yolə ziyanış vində har qıləy şərayetəndə kimiyaviyə silahon oko doe bə çəy hucum əkon iyən mardəkəson diğğət nıdoə şərayetəndə  məhkum kardedə və həmzəman çı vavunəku istifadə karde itərəfə və xətoə  hərəkəton əncum doeyu oşkoə holətədə beynəlxalğə həxon ləğv karde zındəy.

Bəhram Ğasımi əlavəş karde İron Amerkə yolə hərbiyə kəştion tərəfiku bə Suriyə Əlşəirat həvoiyə mərkəzi zid rəketinə hucumon və itərəfə hərbiyə hərəkəton de şiddəti məhkum kardedə və bovəş heste jıqonə hərəkəton Suriyə Edlebı Xan Şeyxon məntəğədə şək şubhəinən kimiyaviyə hucumon vavunədə ki çəy zəman əncumdoəkəson və nəf bardəkəson həxədə şək şubhə heste Suriyə iyən məntəğdə bıə terroriston zumand be bois bəbe ki bı rujonədə bə çərçivə eqıniyə bin.