İnğilobi yolə rəhbəri vıjnımonədə bə maksimumə iştiroku təkidış karde.

İroni islomiyə inğilobi yolə rəhbəri, vıjnımonədə milləti maksimumə iştirok və həmməysə veyə səlahiyyətış bıə şəxsi vıjniyeş bə millət və islomiyə Respublika səbarzəti boisış zınə.

İroni islomiyə inğilobi yolə rəhbəri, vıjnımonədə milləti maksimumə iştirok və həmməysə veyə səlahiyyətış  bıə şəxsi vıjniyeş bə millət və islomiyə Respublika səbarzəti boisış zınə.

Bə islomiyə inğilobi yolə rəhbəri dəftərxonə məlumat ərosnə mərkəzi elani əsosi Həzrət Ayətullah Xamenei zinə  həmzəman de Ğədire Xum səidə idə ruji mınosibəti, milləti çandə həzə nəfəriyə cəmiyyəti vindımonədə, həmməysə veyə səlahiyyətış bıə namzədon xosiyəton oşkoə sorətədə bəyon kardeədə, həmmə millətış bə rəy(sədo) ğotion kəno dəvətış karde və təkidış karde ha kəs bə zumand iyən səbarzə İron meylış heste və ha kəs  bə nizomi himoyə karde bovəş heste vıjnımonədə iştirokm bıkə.

Həzrət Ayətullah Xamenei bə İron islom Respublika zid deşmenətion dəvomiku, çəy təşkil bə vaxtiku tosə ısət işarəş karde və vıjnımonədə veyə iştirokış bə deşmenətion ğələbə pəydo karde dəlilış zınə və əlovəş karde cumhur və milləti iştirok islomiyə Respublika zotədəy , ki vıjnımon və məmləkəti məsul şəxson təin karde,  çəy həmməysə muhimmə simvole.

İslomiyə inğilobi yolə rəhbəri, bə kar ome, zumandəti və koon de şoəti əncom doe və nığıl iyən nuktəonış, mincumlə ləyoğətinə şəxsi xusiyətonkuş zınə və votışe: ləyoğətinə şəxs de ım xusiyəton, ciddiyə bovə bə inğilobi əsosə nuktəonış , mincumlə ləyoğətinə şəxsi xusiyətonkuş zınə və votışe:ləyoğətinə şəxs de ım xusiyəton, karde bəzne məmləkəti həmmə zərfiyətonku, inkişofiyo istifadə karde.

Həzrət Ayətullah Xamenei eyne holədə məmləkəti muhimmə zərfiyəton bəyonədə votışe: veyə cıvonə cəmiyyət və ali təhsilatışon bıə şəhrvandon, ironıjon huş və zotiyə istidad, yol iyən cur bə curə mədənon, cuğrafiya mevğeiyyət, dırozə ovə sərhəddon, veyə hamsuyan, məntəğəiyə yolə vıjoron,daxili 80 milyoniyə vıjoron,cur bə curə həvosot,osınə xət və şusseə roon şəbəkə, bina, ro, səd və sənaye koonədə cıvonon texnoloqiya zumandətion, ticari ozodə məntəğəon iyən mədəni və tarixiyə miros, mincumlə məmləkəti zərfiyətonkuy.

İslomiyə inğilobi yolə rəhbəri təkidış karde islomiyə Respublika de Xıdo koməkəti, bə xaricion peşt pur nımande şərayetədə və çəvon mıziyə hərəkəton iyən problem icod kardə koon kənoədə inkişofi royku dəvardedə və bə xaricion çəş nıbeş , nıtarsəti və milliyə istiğlali mənoədəş zınə və votışe:ım 2 qılə  mevzo vucuddə ironi millət ıştə zumandəti və şəxsiyyət iyən ğıvvə nışon dodə və çəy ehtırom dınyoədə ve bəbe.

Yolə rəhbəri bə bəzi odəmon xıyol iyən na səhihə təbiron, daxiliyə zərfiyətonku istifadə karde mevzoədə.  Məmləkəti qırdo parçin dəkırne və ya de dınyo rabitə ğət karde hisub kardeku işarəş karde və votışe: İron İslom Respublika əvvəlico ğərəz 1 ya 2 qılə istisnaku kəno de həmmə dınyo  rabitə bərğəror karde domoədə bə.

Həzrət Ayətullah Xamenei , bə zumand iyən səbarzə ironi şuari işarəş karde və votışe: zumand be, elmi , texnoloqiya, ixtisadi və siyasiyə cəhətonış həm heste ki çəy həmməysə muhimə qılanku, siyasət və vıjnımoni meydonədə huzure.

İslomi inğilobi yolə rəhbəri dəvomədə molaye muttəğiyan  Həzrət Əli(ə) fəziləton oşko kardeədə ,hukuməti milləti tərəfo təşkil be barədə nığılə etığod və millət iyən hakimi 2 tərəfə huğuğış əmirul-mumininı fəzilətonkuş zınə və votışe: islomiyə nizomi komil, milləti tərəfo təşkil be ıştə mola və kərimə ğıroni ayəunku umutəmune, əmmo bəzion de səhvi votedən İron İslam Respublika vıjnımon, demokratiya və bə milləti sədo ğeymət doeş ğərbionku umutəşe.