İslomi inğilobi yolə rəhbəri:İroni prezidenti vıjnımoni 2 nə mərhələ ve muhimme.

İslomi inğilobi yolə rəhbəri:İroni prezidenti vıjnımoni 2 nə mərhələ ve muhimme.

Bə yolə rəhbəri dəftərxonə məlumat ərosnə mərkəzi elani əsosi  islomiyə inğilobi yolə rəhbəri Həzrət Ayətullah Xamenei zinə , tojə toliyət,mudiron iyən şəhid Mutəhhəri aliyə mədrəsə ostadonku qıləy cəmi vindımonədə ironi milləti vıjnımonədə iştirok kardeş, nizomi peştpurəti və səbarzətiş zınə və təkidış karde, ha miğdor iştirok çok, oşko və ruşin bıbo, nizom daxilədə ıştə  hədəfon bə nəticə rosneyu iyən məmləkəti stratejikə hədəfon roədə veyə zumandətiş bəbe ki ım məsələ qıləy yolə fırsəte.

İslomiyə inğilobi yolə rəhbəri, vıjnımoni 1 mərhələdə iştirokış kam və intizar iyən proqonoziku kamış zınə və votışe: ım məsələ dəlilış heste ki siyasəti əhali və ictimaiyəti eksperton əy təhlil bəkan.

Həzrət Ayətullah Xamenei , bəzion təsəvvurış ki qoya əqər ha şəxs əvvəlnə mərhələdə sədoş doə ni de nizom muxalife,100 faiz səhvış zınə və əlovəş karde mumkine i dastə bəzi məsul şəxson və ya hətta islomiyə nizomiku xoşışon nıvo jəqo ki ozod ım qəpon bəyon kardən, əmmo ım zehniyyət və fik ki ha şəxs ki vıjnımonədə sədoş doə ni bə ım odəmon və jıqo fikon anqılin, komil səhve.

İslomiyə inğilobi yolə rəhbəri təkidış karde xəylion problem, ko və qiriftorətişon  heste və ya coqlə dəlilon xoto  sədo doeədə iştirokışon kardə ni, inşallah 2 minnə mərhələdə milləti huzur rəy(sədo) ğotion kənoədə hərorətin və bə nizomi abro bois bəbe.

Həzrət Ayətullah Xamenei ommidvarətiş karde xıdavəndə xalığ  həmməysə çokə vıjniye bə millət ğısmət bıkə ta vıjniyə bə şəxs  karde bızno nizom və milləti hədəfon bə nəticə rosne.

İron islom Respublika prezidenti vıjnımoni 14 minnə devrə 9 nə prezidenti vıjniyero cumə iyoni 28 nə ruji məmləkəti 59 həzo mərkəzədə və dınyo 95 həzo qılə məmləkətədə bərpo be.

İroni prezidenti vıjnımoni 14 minnə devrə, 2 nə mərhələ cumə iyoli 5 nə ruji bərpo bəbe.