Sloveniya prezidenti vindımonədə islami inğilabi yolə rəhbəri bəyonoton

İslami inğilabi yolə rəhbəri bə məntəğə tel iyən norohət bıkə hadison işarə kardeədə bə no oromətion iyən canqon de zo bə mıxtəlif milləton qi noe barədə bə bəzi ğıvvon roli işarə kardeədə votışe:İron İslam Respublika həmmişə mıstəğillə məmləkətonku tələbış kardə bə milləton zid təşkil bə təziğon vədə sakit nımandon və fəğət tamşo kardə kəs nıbon.

İslami inğilabi yolə rəhbər həzrət ayətullah Əl-uzma Xamenei  noyabri 22 nə ruji əsrə vaxti de Sloveniya president Barot Paxor  iyən dəy həmro bə heyəti vindımonədə Asiya ğərb məntəğədə xışmqinə daveon iyən terroristiyə qrupon əcumlədə İŞİD terroristiyə qrupi bino kardeədə bəzi ğıvvon bə arə dəşe nəticəş zınə.

yolə rəhbəri əlavəş karde həmmə məmləkəton vəzifəşon heste ım daveon otəşi okışteyu fəaliyyət bıkən və İron İslam Respublika həm istikbar cəhbə təbliğatinə cəriyanonku bə kəno həminə elan kardə hədəfədə fəal iyən təsir bınəy əmmo coqlə məmləkəton daxiliyə koonədə bə arə dəşedə ni.

islami inğilabi yolə rəhbəri bə İŞİD terroristiyə qrupi zid Amerkəvıjon koalisiyaş muvəfəğ nıznəşe və  və çəvon bə nəticə nırəse barədə bə bə 2 qılə muvcod bə nəzə işarə kardeədə votışe: bə 1 minnə nəzə əsosi Amerkəvıjon İŞİD terroristiyə qrupi rişə arəku bardeyu heç qılə bərnaməşon ni və pidəşone bənə İnqiltərə ki Hindostani istimar karde devranədə Keşmin məntəğəşon bənə astə yarə miyonədə oqətışone və nəticədə Hindostan və Pakistan 2 qılə hamsuyə məmləkəton desbə ımrujnə ruj həm ixtilafışon heste İŞİD vədə həm jıqo əməl kardən ki  problem həl nıbə holətədə İrağ və Suriyədə bımando.

yolə rəhbəri votışe: bə 2 minnə nəzə əsosi Amerkəvıjon İŞİD terroristiyə ğıvvon problem həl kardeş pidə əmmo  şərayet jıqo ni ke bızno ım ko əncum doe ki ın 2 qılə nəzə nəticə desbə ısət bərobər bə və ımruj İrağ və məxsusən Suriyə tel və saxtə şərayetədəy.

həzrət ayətullah Əl-uzma Xamenei Asiya ğərb hissədə no oroməti təşkil karde nəticon barədə əcumlədə muhaciron problemon həxədə işarəş karde və votışe: qıləy holədə ki avropavıjə məmləkəton nıznəşone bə çandə 10 həzo nəfər muhacir pənoh doe İron çandə sorone ki Əfğanistanı milləti 3 milyon muhacirış ğəbul kardə və bəvonru təhsil iyən jimon karde şərayetış təşkil kardə və de səbr muhacironədə çokə rəftorış heste.

islami inğilabi yolə rəhbəri 1 soro 8 manq bə yəmənı milləti zid bombardımon karde iyən Səudi Ərəbıstoni tərəfiku çı məmləkəti əsosə mərkəzon arəku barde bı rujonədə məntəğə coqlə telə hadisonkuş zınə və votışe: mıstəğillə devləton bəpe ım hadisonədə mubarizə bıkən çinki qıləy milləti təziği jiyədə ğəror doe həğiğətdə həmmə milləti de dard və əzob dim bə dim kardey.

islami inğilabi yolə rəhbəri  həmçinin ironi atom məsələ həl kardeyu kamilə holətədə ironi tərəfiku bəştə doə bə vədəon əməl karde işarəş karde və navədə bə tərəfonku bəştə doə bə vədəon əməl nıkardeyu tənğidış karde.