İslomi inğilobi yolə rəhbəri: ımruj islomi həmməysə barzə pərçəm Ğəzzə milləti dastədəy.

İslomiyə inğilobi yolə rəhbəri, Ğəzzə məzlum və eyne holədə zumandə milləti ğəhrəmanətionku təclil kardeədə votışe: ımruj islomi həmməysə barzə pərçəm Ğəzzə milləti dastədəy.

İslomiyə inğilobi yolə rəhbəri, Ğəzzə məzlum və eyne holədə zumandə milləti  ğəhrəmanətionku təclil kardeədə votışe: ımruj islomi həmməysə barzə pərçəm Ğəzzə milləti dastədəy.

Bə islomiyə inğilobi yolə rəhbəri dəftərxonə məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xamenei zinə de Həması siyasiyə dəftərxonə rəisi İsmail Həniyə və Fələstinı islomiyə cihad hərəkati yol Ziyad ənnəxalə vindımonış dəvoni və Ğəzzə məzlumə milləti nımonəviyə mığavimətiku təclil kardeədə təkidış karde ımruj islomi həmməysə barzə pərçəm fələstinı millət iyən Ğəzzə cəmaəti dastədəy və de ım mığaviməti bərəkəti nakonəsə ve islomi tərvic karde nav şərayet icod bə.

İslomiyə inğilobi yolə rəhbəri islomiyə mıtəfəkkiron dəvominə fik fən iyən məsələş, islomi çı curə tərvic karde və islomiyə ictimaiyətiku qıləy olqo təğdim kardeş zınə və əlovəş karde ruj bə ruj bə islomi tərəf meyl pəydo karde ısətnə zəmonədə Fələstinı millət və Ğəzzə şəhrvandon mığaviməti nışon dodə.

Həzrət Ayətullah Xamenei təkidış karde mığaviməti əzəməti dəlil Ğəzzə millət və ğərbiyə sahili sakinon hestin və  ommid heste Fələstinı millət və mığavimət ğıvvon xıdo doə bıə vədə  bəvonku himoyə karde bə nəticə bırəso.

İsmail Həniyə de İroni tojə prezdenti vıjniyə be mınosibəti təbrik voteədə tojə təşkil bə vıjnımonış bə islomi təfəkkuri əsosi milləti tərəfo təşkil bə demokratiyaş zınə və de ironi prezdent Məsud Pezeşkiyan təşkil doə vindımoniku işarəş karde və votışe: ım vindımonədə ijən İron İslom Respublika çok və zumandə siyasət Fələstinı məsələ və mığavimətı  cəriyanı vədə mışohidə be və fələstinı millət çı siyasətonku  fəxrışon karde.

Həmas hərəkati siyasiyə dəftərxonə rəis eyne holədə Ğəzzə və ğərbiyə sahili, meydon və siyasiyə şərayetiku məlumat təğdim kardeədə votışe:zinə Ğəzzə canqi 300 minnə ruj be və mığavimət bə qıləy muhim və tarixiyə mərhələ rəsə ki Fələstinı millət və mığavimət ğıvvon bəpe ıştə ğəhrəmanətion və səbarziyətion sabit bıkə.

Fələstinı cihad hərəkati yol Ziyad Ənnəxalə həm de İroni tojə prezdent Məsud Pezeşkiyani vıjniyə be mınosibəti təbrik ış vote və Fələstin iyən mığavimətiku himoyə kardeyu çəy siyasətonku təclilış karde və votışe: Həmas və islomiyə cihad hərəkati rəhbəron mıştərəkə huzur tehronədə , fələstinədə mığavimət ğıvvon vəhdəti simvolinə nışonəy və de həminə vəhdəti bərəkəti məntəğədə mığavimət cəhbə miyonədə həmohənqəti və həmkoəti ıştə həmməysə çokə holətədəy.