İslomi inğilobi yolə rəhbəri de Tırkmənistan rabitə inkişof doe erjiku təkidış karde

İslomiyə inğilobi yolə rəhbəri Həzrət Ayətullah Xamenei de Tırkmənistanı milliyə rəhbər Ğurbanğuli Bərdi Muhəmmədov və dəy həmro bıə heyəti vindımonədə 2 qılə məmləkəti rabitə inkişofış veyə əhəmmiyyətiku iborət bıə məsələş zınə və votışe? İron və Tırkmənistanı rabitə dəvardə soronədə çokə inkişofış kardə əmmo hələ veyə həmkoətionru kali zərfiyəton hestin ki bəpe bəvonku istifadə bıbo.

İslomiyə inğilobi yolə rəhbəri Həzrət Ayətullah Xamenei de Tırkmənistanı milliyə rəhbər Ğurbanğuli Bərdi Muhəmmədov və dəy həmro bıə heyəti vindımonədə 2 qılə məmləkəti rabitə inkişofış veyə əhəmmiyyətiku iborət bıə məsələş zınə  və votışe? İron və Tırkmənistanı rabitə dəvardə soronədə çokə inkişofış kardə əmmo hələ veyə həmkoətionru kali zərfiyəton hestin ki bəpe bəvonku istifadə bıbo.

Bə yolə rəhbəri dəftərxonə məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xamenei zinə əsrə vaxti ım vindımonədə təkidış karde rabitə inkişof bə mıştərəkə faydon əsosi və bə 2 qılə məmləkəti xəyre və əlovəş karde ommid heste Məsud Pezeşkiyanı tojə devləti huzurədə bə 2 qılə  məmləkəti rabitə inkişofi aid bıə koon de veyə zumandəti dəvom pəydo bıkə.

Həzrət Ayətullah Xamenei  bə Trkmənistanı milliyə rəhbəri sıxanon, 2 qılə məmləkəti mıştərəkə planon həxədə mincumlə şimol-cənub yolə ro plan və Tırkmənistanı qaz xəti inkişof doe işarəş karde və ım planonış muhim zınə və votışe: ım yolə planon icro de ironıjə koəzınon və mıtəxəssison 2 qılə məmləkəti səmimiyə rabitə nakonəsə ve bəkay.

İslomiyə inğilobi yolə rəhbəri eyne holədə bə İron İslom Respublika prezdenti ciddiyə niyyəti de Tırkmənistan rabitə inkişof doeyu işarəş karde və votışe: ro və şəhr soxte vəzir xanım Fərzanə Sadeğ həm bənə mıştərəkə kamisiya rəis , 2 qılə məmləkəti roziyətion təğib bəkay ki bə çokə nəticə bırəson.

Im vindımonədə ki Məsud Pezeşkiyan həm huzurış hest bı Tırkmənistanı milliyə rəhbər Ğurbanğuli Bərbi Muhəmmədov , 2 qılə məmləkətış xışavənd zınə və votışe: tehronədə de cənab prezdent çok və mısbətə muzakironışon dəvoniyə və ommidvar mande imza kardə roziyətion bə çokə nəticon bırəson.

Tırkmənistanı milliyə rəhbər eyne holədə şəhid İbrahim Rəisi yod və xatirə qirami qəteədə bə çəy erjinə hərəkəton 2 qılə məmləkəti rabiton inkişof doeyu işarəş karde və votışe: Tırkmənistan və ironi dıroz və mıştərəkə marz həmmişə sulh və dustiyəti marz bə və çimi bəpeştə həm bəbe, və əmə həmmə baxşonədə rabiton inkişof doeyu hozzı hestimon.