İmom Xameneyi:Hizbullah bəyjiye iyən inkişofi holədəy

İslomiyə inğilobi yolə rəhbəri qıləy mesajədə Livani hizbullah icraiyə şura rəis şəhid seyd Haşim Səfiəddinı şəxsiyyətiku təclil kardeədə təkidış karde Hizbullah bəjiy iyən inkişofi holədəy və ıştə tarixiyə roli ifo kardedə.

Bə yolə rəhbəri dəftərxonə məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xamenei bə mığavimətı cəhbə əzizə cıvonon xitob qıləy mesajədə livani hizbullah icraiyə şura rəis cənab seyd Haşim Səfiəddinı şəxsiyyətiku təclil  kardeədə təkidış karde ımruj Hizbullah livani həmməysə zumandə mudafiəçiye və səhyoniyə rejimi təməkarə hərəkəton vədə ki ğədimə zəmanonku livani baxş bə baxş kardeş hədəf qətə həmməysə zumandə divoy.

İnğilobi yolə rəhbəri mesaj jıqo bino bedə.

Bismillahi rəhmanurrəhim

Mığavimətı cəhbə əzizə cıvonon

Mucahid, zumand iyən fədakarə səid, cənab seyd Haşim Səfiəddin rizvanullahələyh  bə mığavimətı şəhidon səf umuj qıniyə və coqlə ruşinə astovə şərifə Ğudsı roədə cihadı osmonış dərostə(reçinış kardə).

Əv hizbullah yolə şəxsiyyət, vıjniyə bıə zumandə merdonku be və hıjo de cənab seyd Həsən Nəsrullah həmro be. Hizbullah , jıqo rəhbəron tədbir və nıtarsətiədə be ki çandə kərə karde zınəşe livani baxş bə baxş be xəto iyən  miyono şeku əmonədə oqəto və  təcavuzkarə rejimi təhdidi ki çəy zılmkarə silohinə ğıvvon ki qah tosə Beyruti ləğə jedə bin, be təsir bıkə.

Çəy iyən Nəsrullah hərəkati coqlə fərmondəon və mucahidon nıtarsəti və fədakarəti be ki litani cənub iyən Sur və ə məntəğə coqlə şəhron ğəsb iyən işğal karde və bə işğaliyə Fələstin umuj qıniye xətoş livani səyku roxnişe və Hizbullah con və mol iyən erjinə abruş ə məmləkəti ərazi təmamiyəti hifz kardeyu bə meydonış varde və təcavuzkar iyən cinayətkarə səhyoniyə rejimış uciz haşte.

Imruj rəhbəroni bənə Nəsrullah və Səfiəddin zahirədə ım dınyoədə huzurışon ni əmmo çəvon ruh və rəhbərəti meydonədə hozzıy və Livan iyən çəy be mudafiyə millətiku mudafiə kardən.

Imruj Hizbullah həm livani həmməysə zumandə mudafiəçiy və həm  səhyoniyə rejimi təməkarətion vədə ki ğədimə zəmanonku livani baxş bə baxş kardeyu cəhdışon kardə qıləy zumandə sədde.

Deşmen cəhd kardə Hizbullah fədakarə roli livaniyu inkor bıkə.

Livani dıləsoton icazə nıdən ım botilə sıxanon çəvon halğo məsə bıbo.

Hizbullah bəjiye və inkişofi holədəy və ıştə tarixiyə roli ifo kardedə.

İslomiyə Respublika həm bənə həmmişə bə Ğudsı mucahidon və Fələstinı ğəsb əkə cinayətkar və işğalqərə bandi vədə bə mığavimət əkon de Xıdavəndə xalıği izni komək bəkay.

Az çəmə əzizə səidi cənab Səfiəddinı şəhodəti bə çəy qiramiyə ailə və nezə odəmon iyən həmrəzmon mığavimətı həmmə cəhbəonədə təbrik və təsliyət votedəm.

Vəssəlamu Əla İbadullahissalihin.

Seyd Əli Xamenei

Həşi 1403 aban manqi 3