İroni Sistan və Bəluciston əyolətodə 4 qılə terrorçiyə dastə məhf kardey

İslomi İnğılobi Muhafizə Korpusi Zəmini Ləşkəri Əmniyyət Şəhidon Əməliyyot Təlimi sıxanəvot çı Əmniyyət ğıvvon İroni cənub-şərğədə Sistan və Bəluciston əyolətodə 4 qılə terrorçiyə qrupi məhf kardeyışon bəyon kardə.

Bə Səhab şəbəkə və bə Təsnim xəbə aqentəti istinodən doə məlumoti əsos,İroni İslomi İnğılobi Muhafizə Korpusi Hışkə Ləşkəri Əmniyyət Şəhidon əməliyyoti sıxanəvot Sərdor Şəfayi ın cımə ruji Sistan və Bəluciston əyolətodə Əmniyyət Şəhidon əməliyyoti dəvomədə bın viloyətədə(İroni cənub-şərğədə), çoqlə terrorə qrupon 8 qılə uzv və şərə dastə mıəyyən kardə holədə həbs kardey bıə və 4 nəfər həm kıştə bıə.

Şəfayi əlovəş kardə:Təlimi coqlə mərhələdə İroni İslomi İnğılobi Muhafizə Korpusi Zəmini Ləşkəri əməliyyoti vohidon Sər Kəşfiyyot İdorədə və çı viloyəti coqlə məntəğonədə de Əmniyyət ğıvvon iştiroki  İroni Sistan və Bəluciston əyolətodə bə dışmeni vəkilə terror qrupon bədəni mardə vardə zərbəon jey noyil bıən.

İroni İslomi İnğılobi Muhafizə Korpusi Hışkə Ləşkəri Əmniyyət Şəhidon əməliyyoti manevri sıxanəvoti həmçinin bəyonış kardə:ın əməliyyotədə İroni İslomi İnğılobi Muhafizə Korpusi Zəmini Ləşkər çe canqi cihozon iyən bepilotə təyyorəonku oko doə iyən nuyə məlum kardey taktikəonku istifodə kardə holədə, çe terrorçiyon əsosə unsur iyən elementonku qıləyni ki,Təftani Qohər Kuh məntəğə muhafizəçiyon və mudafiəçiyon bə şəhodəti məğami rosnə qrup həbs kardey və xeyli mığdorədə siloh-sursat bə dast vardey bıə.

Dəvardə şanbə ruji İroni İslomi Respublikə Huğuğ-Muhafizə Komandanəti İnformasiyə Mərkəzi Sistan və Bəluciston əyoləti Təftan şəhrədə Qohərku məntəğə polis şebə dıqlə patrul xıdməti daqlə həmkoş de terrorsitə qrupon təvəssıti bənə nomərdi bə şəhodət rosnyku xəbəşon doəbe.