Rəketi əhəmiyyəti dərk
Rəketi əhəmiyyəti dərk
Bəçəy xoto İron rəketi bənə bəştə fənni iyən texniki zu əsos bıə kozıri unvoni hərbi mıodiləonədə dərkış kardə.strstejik mənzər və aspektiku rəket de surəti bo dışmenon qıləy ciddiyə təhdid icod kardey bəzınen.qıləy holədə ki,əvoni istehsol kardey çe bənə canqi təyyorəon bıə silohon soxteysə vey sodə iyən erjone iyən çəvon ıştə fəoliyyəti bino kardey həm vey rəyrə bə əməl omeydə.San Tezu jıqo hisob kardedə ki,surət,canqədə çe səbarzəti kilide.rəketon ın imkoni bə İroni doydən ki,qıləy vey kamə zəmonədə bə təhdidon de ğətiyyəti iyən ıştəni mıdofiyə şikilədə cəvob doey bıbu.ironi rəketon həyğətədə,bo milli əmniyyət iyən mıdofiyə ğudrəti zumandətiro qıləy stratejikə avjor bıə….
İronıjon həlbəttə,çe canqi cet ya təyyorəonku həm dastışon kəşəni iyən de tobə ısət çokə proyektonışon bənav bardə.əmmo əvon ıştə bəravord iyən tələbonışon,çe dronon peyo ziyodə sərmoyəşon noə.ın əbzor həm nəyinki,kamə xarconış heste,bəlkəm ın imkoni bə İronıjon doydə ki,bə vaxt bardə texnoloqiyon cəm kardey niyoz nıbə holədə,de qıləy barzə dığğəti bə dışmenon hədəfon cəvob doydən. bepilotə təyyorəon bo canqi cet ya təyyorəon qıləy mınosibə alternativ bıən iyən bəştə asimmetrik ğabiliyyəton dəlili xoto,əmələn və praktiki surətədə İron,məntəğədə çın texnoliqyə sahədə bə navəşən iyən avanqardə kişfəronku qıləyni təbdil bıə.İron həm çok-çoki modern iyən mıosirə canqədə çın dronon əhəmiyyətış dərk kardə və əvonış bəştə hərbi əməliyyotonədə bıə əsliyə avjoriş təbdil kardə…
İron,həmçinin çe ğərbıvıjon bəsə çəy atomi bərnoməsə bıə mıbohisə zəmonədə,de qıləy nuyə nəzəku oko doey,bə Ğərbi Asiyə bumi əmniyyəti bəfodor iyən həmkoə cərəyononku qıləy şəbəkəş bın məntəğədə təcili,əmmo,besədo icodış karde.ın şəbəkə çe Livani mığovimətiku qətə de tosə Yəmən,İrağ iyən Suriyə mığoviməti bə Ğərbi Asiyə mıdoxiləkə xarici amilon təzyiğ vardeyədə qıləy təsirinə rolış ifo kardə.çın həmko şəbəkəku bəhrə bardə holədə,İron bo Ğərbi Asiyəku qıləy baxşi iqlə təsirinə potensiyal icod kardeyış zınə.ın həmkoon həyğətədə,inev assimetrik canqi şəbəkə məhsub beydə iyən çe canq tələbə ğərbi dışmenon hərbi xarconış de şiddəti ziyodış kardə…
