İmom Xameneyi:jen və merdi huğuğ bərobərin

İslomi inğilobi yolə rəhbəri,ailədə jen və merdi huğuğış bərobər zınə və votışe: feminizmiyə şuaron iyən jenon və ozodəti və huğuği peştədə, bə insoniyyət və siyasəti zid hədəfon hestin.

İslomi inğilobi yolə rəhbəri,ailədə jen və merdi huğuğış bərobər zınə və votışe: feminizmiyə şuaron iyən jenon və ozodəti və huğuği peştədə, bə insoniyyət və siyasəti zid hədəfon hestin.

İslomiyə inğilobi yolə rəhbəri zinə çandə həzo jen və kinə vindımonədə Həzrət Fatimə(s) xilğəti əcibə nuktəş zınə və jeni həxədə islomı ğanunon muhimmə  əsoson bəyon kardeədə təkidış karde islomədə jen və merd iyandı mukəmməl hestin və bə təyyibə həyoti rəse iyən elmi, mədəni və hınə, ictimaiyyət və siyasətdə təsir noe, ixtisadi iyən beynəlxalğə məsəlonədə, de iyandı heç qılə fərğışon ni.

Həzrət Ayətullah Xameneyi, dınyoədə bə jeni aid mıxtəlif nəzəonku işorə kardeədə votışe: bəvon tabe bə sərmayəşon bıə kəson və siyasətçion dınyoədə zumandə mediyaon extiyorədə beədə de ğeyri həğiğiyə mətləbon və duəvojəti və zohirədə qıləy fəlsəfi və insoniyə nəzəriyə peştədə ıştə cinayətkar və fəsotinə niyyəton, jenon beynəlxalğə ictimaiyyəti koonədə mudaxilə karde və bəvon cəhət doe iyən ıştə ğeyre ğanuniyə foydon peştədə niyon kardən.

Yolə rəhbəri rostiyəti nıbe iyən fəribkarətiş, istimorqəron və sərmayəşon bıə ğərbiyə  tərəfon mıtəmadiyə metodış zınə və xanımon de kamə maş bə zavodon tərəf cəzb kardeş ki sənaye bə fəhləon ehtiyocon təmin kardeyu əncom bə, jenon ozodəti və istiğlali nomo bəyon kardışe çı fəribkarətionku qıləy nımonəş. Zınə.

Həzrət Ayətullah Xameneyi, 2 əsr çimi bə nav amerkədə nokəon ozodəti  şuari peştədə bıə hədəfış, cənubiyə baxşonədə bandəon(nokəon) kaşt-dev kardə zəminonku bə məmləkəti şimolədə bıə zavodon tərəfi cəzb kardeyuş zınə və votışe:ımruj həm feministiyə şuaron iyən jenon ozodəti və huğuği peştədə bə insoniyyət və siyosəti zid hədəfon hestin.

Yolə rəhbəri, jenon məsələ həxədə islomi ğanunon oşkoə holətədə bəyon kardeş ım cəhətdə islomı məntiğiku ictimaiyyətdə bıə fikron aqah beş zəruri zınə və votışe: bəpe ım məntiği ictimaiyyətdə bə riyə eğandəmon və bə çəy əsosi əməl bıkəmon ki əlbəttə inğilobi bəpeştə ım cəhətdə veyə koon əncom bən.

Həzrət Ayətullah Xameneyi dəvomədə mumin,dono iyən mıxtəlif baxşonədə fəolə xanımon bə təəccub boyis bə inkişofış islomiyə inğilobi bəpeştə bə ım mıtəaliyə nəzəri əsosiş zınə və votışe: jenon rol inğilobi mubarizəon və səbarzətionədə təin əkə be.

İslomiyə inğilobi yolə rəhbəri, siyasi və beynəlxalğə sahədə mətanətinə fəoliyyəton iyən kali məsəlon və hadisonədə mincumlə mığəddəsə mudafiə devran, pokə hərəmonku mudafiə karde iyən siyosiyə meydonədə rol ifo kardeş inğilobi səbarzəti bəpeştə jenon fəoliyyətonku coqlə ruşinə nımonəş zınə və votışe:ironıjə xanımon karde zınəşone məmləkəti şəxsiyyət, mədəniyyət iyən tarixi və əslımandə rəsm və adətonku de mətanət, həyo və iffət muhafizə bıkən.

İslomiyə inğilobi yolə rəhbəri ıştə bəyonoton oxoədə bə məntəğə məsələon işarə kardeədə votışe:suriyədə bə əncom bə hərəkəti diğğət doeədə iyən sionist rejim və Amerkə cinayəton diğğət mərkəzədə ğəror doeədə eyni holədə cokəson bəvon rosniyə koməkon , xoto deşmenon xıyolışon kardə, mığavimətı məsələ orəxəy, qıləy holədə ki əvon ve ciddi səhvədə hestin.

Həzrət Ayətullah Xameneyi, sioniston harujnə hucumon vədə bə Ğəzzə mığavimət iyən livani mığaviməti dəvom pəydo kardeku işorəş karde və votışe: sionist rejim bəştə xıyoli əsos,ıştəni hozzı kardən ki Suriyə royku livani Hizbullah muhasirə iyən miyono bıbən, əmmo əviki çəy rişə miyono bəşe israile.

İslomi inğilobi yolə rəhbəri ironi, fələstinıjon mubarizə əkon və Hizbullah mucahidon kənoədə mandeku təkidış karde və har qılə himoyəon və koməkon bə çəvon dast rosniye dəvomiku işorəş karde və ummidvarətiş karde mucahidon qıləy ruji bəvinden ki xəbisə deşmeni ıştə lınqon jiyo noydən.