Si Sinpin Aİ lideron ğəbul bəka 

Aİ penə vəzifəninə xonəxon de Si Sinpini muloğaton ro bə Çin səfər eçın qətedən. Im, AİŞ prezident Trampi tarif təhdidon bədiqə, Brusseli de Pekini əlağon həniən zumand karde işora kardedə.

De Honkonq  "South China Morning Post" nəşri nıvıştəy səfər iyulə manqi oxoədə eçın qətə bə. Dı tərəfon miyonədə oxonə sammitən Çinədə dəvonə bəbe. Aİ nımoyəndon təkror muloğatonən Çinədə dəvone, protokoli darışte — bə çəvon ticori məsəlon barədə muloğaton barde işora kardə. Əlidə holədə Çini nımoyəndon bə Avropa səfər kardəni bin.
Avropa komisiyə sərdor Ursula fon der Lyaen iyən Avropa Şura sərdor Аntonio Коsta sammiti Pekinədə dəvone rozi bən.
De almaniyə "Handelsblatt" rujnomə doə məlumoti, Çin iyən Avropa İttifoğ asiyə keşvəriku vığandə elektromobil blokon səpe tarifi peğəte barədə muloğaton barde bino kardən.
Avropa- Çin mınasibəton peş Rusiyə-Ukraynə miyonədə 2022 minə sori sıftədə bino bə canqi bə peş sardon bəbin. Pekini Moskva tərəfi oğəte, diplomatik iyən ticari əloğon zumand karde bə Brusseli vey noxoş omə be, diyə məkə ki, Çin bın məsələdə sulhi tərəfədə be bəyonış kardə.
Çini devlət şura kotib Li Syan de fon der Lyaeni telefon qəpədə, çəvon ın naqativ holon ehdədə ome ro har imkonon be ğeyd kardəş be.