Huccətul-İslom vəlmuslimin Kazım Siddiği:Nuvə texnoloqiyə çe kişfəri sərmoyəy
Huccətul-islom vəlmuslimin Kazım Siddiği:Nuvə texnoloqiyə çe kişfəri sərmoyəy
Huccətul-İslom vəlmuslimin Kazım Siddiği:Nuvə texnoloqiyə çe kişfəri sərmoyəy
Tehroni cımə nımoji xətib oxonə haftəonədə bə İron iyən AİŞ miyono nuvə muzakirəon işorə kardə holədə votəşe:İronıjə muzakirəçiyon təcrubənin,zumand və hisobəkən və votemononədə de zumandəti iyən ğətiyyəti çe İroni kişfəri sərmoyə bıə nuvə texnoloqiya və elmi soybəti həxon mudafiə kardedən.
Pars Tudey bə İRNA istinodən xəbə doydə ki,Huccətulislom vəlmuslimin Kazım Siddiği ın haftə(12 ordibehişt 1404-ə sori) Tehronədə və Tehroni Unversitetədə bərpo bıə cımə nımoji xutbəonədə əlovəş kardə: "Mızokirə qrup AHMFP votemononku ibrət seyə holədə iyən çe nizomi barzə səviyyəynə rəsmiyon himoyə jiyədə mızokirə kardedən.atomi elm boəmə qıləy həlləkə əhəmiyyət kəsb kardedə və çe kişfəri sərmoyəy iyən ın kapital və huğuğ hiç vaxt muzakirə bıənin ni”.
Tehroni cımə nımoji xətib ıştə ehandımoni dəvomədə kişfəri ayəndə mudiron perosneyədə bə mellimon əhəmiyyəti və bəçəvon xususi roli işorə kardə holədə,təhsilış həmməysə muhimmə devlətə onemon iyən sistem və bo kişfəriro həlləkə mərkəzış hisob kardə.
Siddiği həmçinin bə koqəron vəzyəti və bə çın qrupi istehsoli ziyod kardeyədə və bəçəvon çe kişfəri ixtisodiyyoti çok kardeyədə bıə rolış işorə karde və voteşe:“Fəhləon kişfərədə bə barzə statusi malikin, istehsol iyən ixtisodiyyoti anqılon de koqər iyən fəhləon dasti oj beydə,istehsol və ko vıron çe fəhlə cəbhəy iyən bın cihodədə əvon bə kişfəri mıstəğiləti və izzəti ıştə tehfəon doydən”.
Əv,bə Kəroməti da rujon işorə kardə holədə bəştə sıxanon dəvomış doe və voteşe:Kəroməti darujone iyən çe Əhli-Beyti(ə)kərimə Həzrət Məsumə(ə) bə qıləy barzə məğam və ləyoğəti malike.ə həzrət çe Həzrət Zəhro(s) tammə ovəynəy və çe sıxani əslə mənoədə çe Həzrət Zəhro(s) nımoyəndəy.İmom Sadığ(ə) hamyedə:Çəmə şiəyon de Fatməyi-Məsumə şəfoəti bə vəhışti daxil bəbeyn.
Siddiği ıştə nıtğədə bə Şəhid Rəcayi Portədə bə əməl omə qonə hodisə həm işorəş karde və voteşe:Şəhid Rəcayi Porti məsələ sıxani əslə mənoədə qıləy fəlokət be və İroni millətış ğəmqin iyən kədərinış karde.Bın fəlokətədə boştə dınyo əvəzəkəyon Xıdoku rəhmət,bo zədəjə bıə kəson şifo,bə ıştə nezə odəmon dasto doə kəson,bə xəsorət vində kəson və ziyon vində kəson səbr tələb kardedəm və devlət və kişfəri rəsmiyonku ziyon vində kəson konpensasiyə kardeyım piyedə.
