Ərağçi bə Qrossi və Omani xarici koon vəziri sıxanon nışon doə reaksiya

İroni Xarici Koon Vəzir Seyd Əbbos Ərağçi bə Qrossi və Omani xarici koon vəziri sıxanon reaksiyaş nışon doə.

İroni Xarici Koon Vəziri X-sosyal şəbəkədə bə Beynəlxalğə Atom Enerji Aqentəti sər direktor iyən bə Omani xarici koon vəziri çe İroni nuvə silohi hozzı nıkardey barədə realistə sıxanon reaksiyaş nışon doə.

Bə İRNA doə məlumoti əsos,Seyd Əbbos Ərağçi işambə ruji bəyonış kardə:"Oxonə 48 saati ərzədə israyili rejim və AİŞ tərəfiku İroni beğanunə bombardmonış de "nezə nuvə təhdidi" anqıl bə həx bekardə mırdolə du təmomən ifşo kardey be."

Ərağçi votəşe:Beynəlxalğə Atom Enerji Aqentəti sər direktori çe İroni "atomi silohi hozzı nıkardey və hiç vaxti hozzı nıkardeyış" oşkoə şikilədə bəyonış kardə.Çımı Omanıjə həmko və İroni de AİŞ miyono etıboynə vositəçi cənob Əl-Busayidi həm təkidış kardə ki,hiç vaxti çe "İroniku nuvə təhdid" bıəni.