Ərağçi:İroni Xarici Koon Vəzirəti de xarici şərikon həmkoəti hoston kardedə

İroni Xarici Koon Vəziri votəşe:De bə xususi sektori dastək doey və ixtisodi əməliyyoton hoston kardey Xarici Koon Vəzirəti,xususən həm reqiyonədə və de hamsuyəon xarici şərikon həmkoəti roy həmo kardedə.

İroni Soybkoron Forumi iclosədə İroni Xarici Koon Vəzir Seyd Əbbos Ərağçi xarici siyosətədə bə ixtisodi məsələon əhəmiyyəti təkid kardə holədə bəyonış kardə:Sanksiyaon miyoniku bardey və bə İroni ixtisodiyyoti çok kardey koməq kardey səyon çe Xarici Koon Vəzirəti dıqlə vocibə missiyay və ixtisodi diplomatiya de ın perspektivi bə əməliyyoti mərhələ ğədəmış noə.

Diplomatikə xıdməti ixtisodi loyihəon himoyədə bə sahə iyən meydoni nəzə işorə kardə İroni Xarici Koon Vəziri əlovəş kardə:Loyihəon kənoədə bey,bankçəti,nəğliyyot və huğuği məsələon həll kardey və de xarici şərikon həmkoəti roy həmo kardey çın nəzə əsosə cəhətonkuye.