Pezeşkiyan:Amerkə və Avrupa ironi milləti niqəron nin

İron İslom Respublika prezdenti təkidış kardə ilə ə əsosə baxşonku ki deşmen bə İron zərbə jeyu bəy dığğət dodə,odəmon quzərane və əqər ım baxşədə odəmon rızayət təmin bıbo deşmenon hədəfon bə nəticə ərəs nin.

Bə pars todey xəbəron əsosi Məsud Pezeşkiyan ironi dəvardə rujon hadisə vədə Amerkə və Avrupa riyakar iyən notəmizə siyasətonku de inson dustə simaədə ıştənışon təğdim karde de şiddəti tənğidışon karde və votışe: ım məmləkəton qıləy holədə insonə həxonku mıdofiə karde zaheri qətedən ki ğəzzədə sionist rejimi tərəfo bə insoniyəti zid həmməysə notəmizə hərəkətonku himoyəşon kardə və çənə məmləkəti dəvardə rujon hadisonədə  rəsmiyə holətədə ixtişaşqəron və xışmqinə hərəkətonku himoyəşon kardə.

əvon ironi milləti kıştə beku niqəran nin bəlkə çəvon əsosə hədəf çı milləti nat və qaz iyən mənbəon və sərvəton hestin.