İslomiyə inğilobi səbarzəti 47 minnə sorəqardışi mınosibəti ironi milləti əzəmətinə aksiya

Həmzəman de islomiyə inğiulobi səbarzəti 47 minnə sorəqardışədə ironi mıxtəlif şəhron əhali iyandı kənoədə və de vahidə sədo bə vətən ıştə eşği nışon doeyu ozodə İron, səbarzə ironi şoaronışon fəryod jə.

Həmzəman Bəhmənə manqi 22 nə rujiaksiya bino beədə ironi 1 həzo 400 qılə nuğtədə milləti ğəhrəman iyən vəhdət əbaxşə huzur de islomiyə inğilob və şəhidon barzə hədəfon  vəhdət iyən əhd-peymoni tojə kardeku qıləy nımayiş bə.

Imsor islomiyə inğilobi səbarzəti id , islomiyə inğilobi yolə rəhbəri mesaji bəpeştə de milləti zumandə ğədəmon qıləy holədə bərpo bedə ki həmmişə ım mığəddəsə nizomi nıpiyə kəson cəhdışon kardə de fıtnə icod karde milləti vəhdətinə ro bə xəto eğandon əmmo mıxtəlif qruponədə bə əhali əzəmətin və zumandə huzur islomiyə ironi sərosərədə ımsornə sori bəhmənə manqi 22 nə ruji təin bıkə aksiya roonədə bə vətən, milləti eşğ, imon iyən bə islomiyə inğilobi hədəfon ciddiyə bovəye.