Ərağçi:Çəmə həxon,ləyoğət və şərəf çe mızokirə mevzu ni

İron İslom Respublika xarici koon vəzir 22 Bəhməni şemonədə bə çandə milyon insonon iştiroki işorə kardə holədə,təkidış kardə ki,çəmə həxon,ləyoğət və şərəf çe mızokirə mevzu ni .

Bə Pars Tudey bə IRNA istinadən doə məlumoti əsos,İron İslom Respublika xarici koon vəzir Seyd Əbbos Ərağçi sosyal şəbəkədə ıştə X mesajədə nıvıştəşe:Çoşanbə ruji çandə milyon ironıjon bə kuçəon beşin ta tədğiğotçiyon çe"20-ə əsri oxonə dıjdə inğılob" zınə hodisə 47-ə sorəqardışi ğeyd bıkon.Çın mesaji iqlə hissədə votey beydə:Fəğət oxonə i sorədə çəmə mərdum bə dıqlə atomi silohinə rejimi mislış nıbə hucumi və peşo həm bə kutləvi terrorə əməliyyoton məruz mandə;bımi rəğmən,İron İslom Respublika ijən həm ğoym mandə.In tovinəti bə xarici rejimon ne,bəlkəm bəçəmə bəştə xalği peştıpurəti əsose.

Əy,həmçinin bəyonış kardə ki,çəmə tərcih qətə çi diplomatiyay və de İroni dincə nuvə proqrami anqıl bə roziyəti omey mumkine.əmmo ım,fəğət ədolətin və balansinə holədə beyədə mumkine.Bın nəzəku,İron ıştə suverenəti de har qıləy ğıyməti həm bıbu mıdofiyə bəkarde və əy,təkidış kardə:"Çoşanbə ruji çandə milyon ironıjon ijən həm nışonışon doe ki, çəmə həxon,ləyoğət və şərəf çe mızokirə mevzu ni.