İroni silohinə ğıvvon: Amerkə və sionist rejimi peşmon bəkardemon

Pars Tudey - Bə İroni ələyh sionist rejim iyən Amerkə təcavuzkorə həmlə iyən İslomi İnğilobi Yolə Rəhbər və kali hərbi komandiron iyən çand sa nəfər mulki şəxson şəhodəti dumoədə İroni silohinə ğıvvon cobəco bəyoniyə muntəşirış karde.

Bə Pars Tudey raporti əsos, İşəmbə rujədə İroni silohinə ğıvvon ğərorqo qıləy bəyoniyə ğəlibədə, İslomi İnğilobi Yolə Rəhbəri şəhodəti təsliyət votey bəpeşt, təkidış karde: İroni milləti deşmonon xususi cinoyətkorə Amerkə və sionisti nəhsə rejimi de İroni şərifə milləti himoyə, zumandəti və ğoyməti pəşmon bəkamon.

Im bəyoniyədə ijən omə: ə Yolə Rəhbər və dınyo ozodtələbon Rəhbəri erjinə irs, İroni ğəhrəmon və ciqəmandə millət iyən intiğom sıə silohinə ğıvvon roy çoe.

İslomi İnğilobi Sepah Təşkiloti umumi rabitəon ijən elonış karde ki İroni İslomi Respublika silohinə ğıvvon torixi həmləkə vey qıvonə əməliyot bə işğoliyə sərzəminon və Amerkə terroristiyə bazaon əncom bədomon.

İjən İroni İslomi Respublika Ləşkər həm qıləy bəyoniyə ğəlibədə təkidış karde: de Xıdovəndi koməki və de İslomi barzə İroni milləti mıcohidəton və zumandə iştirok və İroni İslomi Respublika silohinə ğıvvonədə de milləti ğıryətinə fərzəndon bəsirəti, Amerkə və israili qıvonə cinoyəti becəvob nibəmande.