Bə İroni peyo xariciyə medyaon dığğət doey, statistikaon çiç voteydən?

Pars Tudey- sosyal şəbəkəonədə mehtəvo nəşr bıə məlumaton dığğət doey nışon doydə xarici forsi zıvonə medyaon bə İroni peyo bə çəş omə dığğətışon heste, dığğəti ki, medya və cəmiyəti normalə ulquku bəpeye bə hisub omedə.

Bə Pars Tudey raporti əsos bə Fars xəbəriyə mərkəzi nəğli istınod, sosyal şəbəkəonədə bənə BBC farsi iyən Iron İnternational medyaon fəoliyəti statistika nışon doydə de İron rabitə bıə mehtəvo istehsol məntəğə veyə cəmiyətış bıə iştimoyətiku xəyli veye, mevzuyi ki, medya iminə dərəcədə bıə koon və ın medyaon rabitə bıə hədəfon bardə sıvolonış icod kardə.

Bə ın məlumaton əsos BBC forsi zıvonə səhifə ıştə instaqramədə de təğribən 23 tam dadə 6 milyon nəfər 126 həzo qıləsə vey mehtəvoş nəşr kardə, qıləy holədə ki, BBC əsliyə səhifə de 30 milyon nəfəri bıe təğribən 26 tam dadə 5 həzo mehtəvoş bıə. İyən BBC ərəbi de 2 tam dadə 7 milyon nəfəri bıe bə 19 həzo mehtəvoş istelsol kardə. Həminə çərçivədə həminə fəzodə de Əfğonıston rabitə bıə mehtəvo təğribən 62 həzo raport doə bıə.

Statistika fərğ nışon doydə İron təğribən de 90 milyon nəfər cəmiyəti forsi zıvonə medyaon dığğət mərkəzədə ğərorış heste, qıləy holədə ki, ərəbə dınyo de çandə bərobərə bıə cəmiyəti ın səfəonədə mehtəvo istehsolədə kamə səhmış bıə.  Mediya eksperton bovəşon heste ki, ın dığğət bəzne İroni qeosiyosət iyən bo bə İronıjon fikon peyo təsir noeyo cəhd və beynəl-Xalğ fəzodə rəvoyəton rəğabətiku bəvucud oməbo.

Medya rəğabəton və əlqoritmon rol

İyən təhlilçiyon bə sosyal şəbəkəon əlqoritmon roli işorə kardən ki, bə mıxotəbon həmkoəti kardey miqdori əsos əməl kardən. Qıləy surətədə ki, istifodəçiyon nisbət bə siyosi və iştimoyi mevzuon veyə reaksiya nışon bıdən, medyaon həmkoəti ədədi hifz kardeyo, rabitə bıə mehtəvo istehsol karde vey kardən. In çərçivədə İroni barədə mehtəvo miğdori vey kardey bəzne medya professional mluhizəku qıləy tərkib və mıxotəbi cəzb kardeyo rəğobət iyən rabitə hədəfon bıbo.

Bın holədə, ədədon mığoyisə yali bo siyosiyə cəhəton qəteyo vəs ni, əmmo bəzne medya 1minə dərəcədə bıə koonku qıləy nışonə bə hisob bo. əçiyi ki, ğətyi bənəzə rəsedə, Beynəl-Xəlğ rəvoyəton məydonədə İroni veyə huzur və ın kişvəri hodisəonku professional və dəğiğə rəvoyəti nışon doeyo daxiliyə medya zumand kardeye.