Dınyo ozodtələbon mahbubə Lideri ruf bə barzə mələkuti omuj qıniyə

Dınyo ozodtələbon mahbubə Lider, Ayətullah Xameneyi(r)-i bə barzə mələkuti omuj qıniyə iyən şəhodət məğom bə Həzrəti ğısmət be.

ولا تحسبن الذین قتلو فی سبیل الله امواتا بل احیاء عند ربهم یرزقون

Mubarək Rujə moədə rəbbani alim, İslomi İnğilobi şəhidon salar, muntəziron seyduş-şuhəda iyən Həzrət Vəli(əc) İmom Xameneyi(r) şəhodəti bə İmom Zəmon(əc), islomi ummət, mərcə təğlidon iyən İroni milləti təsliyət və təbrik ərz kardeydəmon.

Vey aliməğomə Lideri dastiku domone iyən çəy mısibətədə hestimon ki çəy rufi təhorət, imoni zumandəti, koonədə tədbir, zolmkoron vədə ciqəmandəti iyən Xıdo royədə bıə cihod zəmonədə yeqanə be.

Mıtəalə Xıdo, ın yolə mucahidi rufi iyən Həzrət Zəhro(s) pokə fərzəndi bənə çəy mığtədo Həzrət Əli(ə)-i Rəməzonə manqədə ğəbul iyən bə şəhodəti məğomi noyilış kardə.

In şəhodət ki bəşəriyət və insoniyəti cəllodon iyən vey xəbisə terroriston tərəfo əncom bıə, Yolə Rəhbəri həğğaniyəti iyən çəy xolisə xıdməton ğəbul bey nışonəy.

Çəmə mahbubə Lider, Həzrət Ayətullah Xameneyi(r)-i şəhodət çə əzizə Həzrəti nuraniyə royədə İroni milləti dayimə hərəkəti zumand iyən ğoym bəkarde.