İron iyən Rusyiə xarici koon vəziron telefonə təmos

Bə İron Amerkə iyən sionist rejimi təcavuzi oxonə vəziyəti barədə İron iyən Rusyiə xarici koon vəziron deyande telefonə votımon kardeşone.

Rusyiə xarici koon vəzir bın təmosədə çe amerkə iyən sehyonist rejimi bə İroni hucumi cərəyonədə de İslomi İnğılobi Yolə Rəhbəri iyən de ironi barzə hərbi komandanon və həmvətənon şəhodəti mınosibəti təsliyyətış votə.Rusyiə xarici koon vəziri təkidış kardə ki,çe amerkə iyən sehyonist rejimi bə İroni hucum, beynəlxalğə həxon fundamnetalə prinsipon iyən İMT Nizomnomə darışteye və çımi bo məntəğə iyən qırd dınyo əmniyyət və sabitətiro qıləy sanqinə nəticəonış bəbe.İroni kişfəri xarici koon vəziri bə Rusyiə xarici koon vəziri təmos iyən həmdardəti kardey xoto sepasış vote və bəy çe amerkə iyən sehyonist rejimi bə ironi mərdumi ələyh kardə cinoyəton ki,bın hucumonədə jimoni məkonon,məktəbon,məçiton,noxəşxonəon iyən imdod və xıdmət rosnə mərkəzon hədəf ğərol doey beydə və həmçinin oxonə hosidəon barədə məlumotış doə.