Bəğayi:Bo təcovuzi oqəteyro həmməysə çokə tərəf çe ironi silohinə ğıvvonin

İroni xarici koon vəzirəti sıxanəvot:Bo təcovuzi oqəteyro həmməysə çokə tərəf ironi şucoətinə silohinə ğıvvonin ki,deştə qırd ğıvvə çe ironi kişfəri mıdofiyə kardə holədən.

Əmə çe amerkə çe hamsuyə kişfəron zəminiku istifodə kardey koyədə qıləy şəkkımon ni iyən çandə manq çımi bənav bə məntəğə kişfəron lozım bıə çəşnaviyonımon doəbe ki,ıştə sərzəmini bə ironi ələyh çe təcovuzkoron ixtiyorədə ğərol nıdon.Həmmə kəson həm bəmə ın xotırcəmətişon doəbe ki,jıqo qıləy hodisə bə əməl nibome.çıro ki,zıneydən bə beynəlxalğə həxon əsos hiç qıləy kişfəri icozəş ni ıştə sərzəmini bo təcovuziro çe təcovuzkoron ixtiyorədə ğərol bıdo.bın mıddətədə çəmə şoyd bıə çi,çe amerkə çın kişfəron imkonatonku daymimə surətədə oko doey be.Əmə bə ın kişfəron elon kardemone ki,çəmə deəvon hiç qıləy problemımon ni və əbədi surətədə əmə deəvon qıləy rabitəmon bəbe.əmmo əmə bə təcovuzi məruz mandəmon iyən ım çəmə təbiyi həxe ki, ıştəni mıdofiyəkəmon.