Laricani: Ərəbıston çı terrorizmi sadir əkə mərkəze.

İroni islamiyə şura məclesi rəis prezident Donald Trampi bə Ərəbıston səfər karde baredə votışe: Ərəbiston çı terroriston sadir əkə mərkəz və kişvəre.

İroni islamiyə şura məclesi rəis Əli Laricani zinə Ərəbistonədə tojə bərpo bıə iclosi barədə votışe: Amerkə və Ərəbiston qıləy vəziyətədə terrorizm mubarizə barde iddiyaon bəyon kardedən ki tule tarixədə ım 2 qılə kişvər dınyoədə çandə terroristiyə qrupon soxtəşone və ijən bəştə həmonə siyasət dəvom dodən.

İroni islamiyə şura məclesi rəis bə Amerkə rəsmion tojə raporton Sentiyabər manqi 11 minə ruji terroristiyə hadisə barədə Ərəbistoni rol və mıdoxiləon əlovəş kardə: ısət şək ni ki məntəğədə bənə Ənnosrə, Daeş və co terroristiyə qrupon de Səudi Ərəbiston və bəzi məntəğə co qılə qədə kişvəron himoyəon icod və himoyə bıən.

Laricani bə ım nuktə həm işorəş kardə ki: de siyonizm rejim mubarizə barde sahədə Ərəbiston hiç faxt nı pulış doə və nı fidokarətiş kardə və ım bo qıləy islamiyə kişvəri tarixədə xar və zəlil əkə həğiğəte.

İroni islamiyə şura parlamenti rəis votışe: Ərəbistoni rəsmion vey be abro həyo əkə həğiğət ıme ki əvon de siyonizm rejim mubarizə əkə qruponi bən "Hezbullah" və "Həmas" təşkilatonışon bənə terroristiyə qrup elan kardedən.

Amerkə prezident Donald Tramp və Ərəbi-islami bəzi kişvəron rəsmion miyono tojə iclos məsələn de terrorizm mubarizə barde mehvəriyət tojədən Ərəbistonədə bərpo bıə.