Qeneral-mayor Əbdullahi:Deştə qırd ğıvvə Hormozi tanqə xandi bəkardemon
Xatəmul-Ənbiya(s)Mərkəzi Ğərolqo Komandan:Əmə tikrorən elon kardəmone ki,çe Hormozi tanqə əmniyyət çe İroni İslomi Respublikə Silohinə Ğıvvon ixtiyorədəy iyən çı harcurnə əmnə dəvardemoni şərayitədə deçəmə Silohinə Ğıvvon həmohənqəti bə əməl omeydə.
Çe Amerkə terrorist iyən cinoyətkorə yolon və təcovuzkorə ləşkər i mıddəte çe dınyo beynəlxağ iyən ozodə ovonədə bə dıyo dızdiyəti səmt dimışon qətə iyən çe dınyo ticori və ixtisodi əmniyyətışon çe təhlukə mə`rəzədə ğərolışon doə və çəvon mıttəfiğon bəpe dərk bıkon ki,çe İroni şucoətinə millət iyən zumand və hozzıə silohinə ğıvvon de tobə ısət əmələdə isbotışon kardə ki,bə İroni məntğədə iyən har səviyyədə bıə bə dışmenon harcurnə təcovuzi saxt iyən peşmonəkə cəvob doey bədoe.Əmə deştə qırd ğıvvon Hormozi tanqə idorə kardedəmon iyən bə həmmə ticori və natkırnə kəştiyon elon kardedəmon ki,deçəmə silohinə ğıvvon koordinasiya iyən həmohənq nıbə harcurnə hərəkət və şe-omeyku dast bıkəşon ta çəvon əmniyyət de xətər və təhlukə dimbədim nıvo.
