İroni polis ğıvvon fərmondə: kişvəri marzon əmniyət bəpeə səviyədə ğərorış heste

İroni İslomiyə Respublika polis ğıvvon fərmondə işorəş karde bə inki, kişvəri sərhədonku mıhofizə kardeyo sərhədiyə ğıvvon komilə surətədə huzzın təkidış karde ki, İroni sərhədon əmniyət bəpeə səviyədə ğərorış heste.

İroni İslomiyə Respublikə polis ğıvvon fərmondə sərdor Əli Əkbər Cavidan İroni ğərbədə Kermanşah nomo ostani Ğəsre Şirin nomo məntəğə Sumar sərhədiku vinemon kardey votışe: İroni mərzbanon, məzsusən Kermanşah ostan və kişvəri ğərbiyə sərhədonədə, əməliyot əncum doeyo komilə surətədə huzzın və de İroni sayir silohinə ğıvvon həmkoəti marzon əmniyət xəyli çok təmin bıə.