Pezeşkiyan:Canqiku qıləy tarsımon ni,əmmo canq bə hiçkəsi xəyri ni

İron İslom Respublikə prezdenti təkidış kardə:Canqiku qıləy tarsımon ni,əmmo canq bə hiçkəsi nəfi ni

Bə Pars-Tudey bə İrna nəğli əsos,İron İslom Respublikə prezdent Məsud Pezeşkiyan dəvardə 1 şambə ruji Tehronədə bərpo bıə pul iyən banki siyosəti sivı seminə forumədə votəşe:Canq bə hiçkəsi xəyri ni və çəy dəvom həm bə hiç kəsi xəyri nibəbe.beynəlxalğə təhğiğoton həm bə ın muhimmə çi etırof kardedən ki, muharibə çe ixtisodi ruşd iyən ozavziye navi qəteydə və və fəğrəti pevolo kardedə.çın sıxani məno ım ni ki,əmə çe canqiku qıləy tarsımon heste.İroni Silohinə Ğıvvon iyən mərdumi həm nışonışon doə ki,de zumandəti mandən və muharibə dəvom pəydo həm bıko de zumandəti dəvom bədon.Pezeşkiyani ımış bəyon kardə ki,çe İroni de amerkə miyono memorandumi bəndon umdətən bə İroni mərdumi nəf və xəyriye,əlovəş kardə:amerkə çımi dumoye ki,çəmə atom bombəmon nıbu,bə ın mevzu çəmə Yolə Rəhbəri həm təkidış kardəbe və əmə həm çandə kərə bəy təkid kardəmone.