İroni şəhidə lideri təşyi mərosimi Ğərbi Asiyadə hevujə şikilədə bıə əks-sədo

Pars Tudey-İroni İslomi Respublikə şəhidə lider Ayətullah Seyd Əli Xameneyi təşyi mərosim Ğərbi Asiya kişfəronədə bıə medya tərəfiku hevujə şikilədə əks-sədo və coninə efirədə mışoyiət bıə.

Pars Tudey bə İroni Tele-Rədyo Korporasiya istinodən doə məlumoti əsos,reqiyonal və dınyo medya, xususən həm ərəbə kişfəronədə medya bə İroni şəhid lideri bıə vido mərosimi xəbəon dığğətışon nışon doə və bın mərosimədə bıə insonon hevujə şikilədə iştirokış inikasışon doə."Əsri təşyi mərosim" Livani "Əl-Əxbar" qəzet de inğılobi şəhidə lideri vido mərosim və bo dınyo barzə vəzifəynə rəsmiyon iştirokiro qıləy farğinə unvonışon vıjniyə və bə ın hodisə çe"Əsri təşyi mərosimi "nomışon noə.Ayətullah Seyd Əli Xameneyi(r) və çəy şəhidə xıyzoni mığəddəsə cənozə cımə ruji maştəvoni Tehronədə bə İmom Xomeyni (r) musəllo daxil kardey bıə və qıləy xususiyə vırədə noey bıə. Vido Mərosim,Səudiyyə Medya unvon "Əşşərğu Əl-Ovsət" Səudiyyə Ərəbıstoni "Əşşərğu Əl-Ovsət" qəzet ıştə sərlovhədə bə Rusiya Əmniyyət Şura sədri muovin Dmitri Medvedev və Pokıstoni Sərvəzir Şəhboz Şərifi çı şəhidə lideri vido mərosimədə iştiroki xəbə həsrış kardə."Əşşərğu Əl-Ovsəti" Pokə cənozəon bəçəvon vırə noey bədiqə çe mehmonon və xarici rəsmi şəxson ehtırom noey mərosim bino be və bə mərosimi məkoni omə mıxtəlifə numoyəndə heyəton bə inğılobi şəhidə lideri və bə deəy bəico bıə şəhidon ıştə ehtıromışon bəyon kardəşone və çı Səudiyyə Ərəbıstoniku bıə qıləy numoyəndə heyət həm bın mərosimədə iştirokış kardə.