İslami inğilabi yolə rəhbəri :kərimə ğıroni donə islamiyə ironədə peşandə bə.
İnğilabi yolə rəhbəri zinə əsrə vaxti mubarəkə rujə manqi 1 minnə ruji de kərimə ğıroni uns novraniyə məclisədə votışe: kərimə ğıroni mubarəkə dunə ım sərzəminədə peşandə bə və ımruj məmləkəti umumiyə fəza(atmosfer) de kərimə ğıron oşnoye.
Bə yolə rəhbəri dəftərxonə məlumatərosnə mərkəzi elanon əsosi Həzrət Ayətullah Əl-uzma Xamenei ım mərasimədə de kərimə ğıron ons qəteş insonon jimonədə bə xəyli sualon səhihə cəvobi rəseku iborətış zınə və votışe: ə ictimaiyyət ki bə çokə hədəfon domo hərəkət kardə əlağon iyən rabitə barədə çıcurə hərəkət iyən dustiyəti və deşmenətion həmçinin dunyəviyə koon barədə çandəhəzo qılə sual bə nav omedə ki kərimə ğıron çı sualon həmmə qılə cəvobış heste.
Həzrət Ayətullah Xamenei ımrujnə dınyoədə insonon qımroəti dəlilış bə ım sualon səhv iyən xətoə cəvobonku iborətış zınə və əlavəş karde Xıdavəndə xalığ insononış de iyandı əlağə muhəbbət və komət kardeyu xəlğış kardə əmmo ımruj dınyo həmmə vırədə canq nooroməti tars və qımroətiye.
yolə rəhbəri ım qıriftarətionku nicat pəydo kardeş bə kərimə ğıroni hidayəti anqılış zınə və votışe: təəssuf ki ımruj islamiyə ictimaiyyətdə bənə coqlə ictimaiyyəton de problem dim bə dim bəy və noloyiğə odəmon islamiyə ictimaiyyətdə devlətonədə min cumlə səudiyyə devləti taleışon bəştə dast qətə .
islami inğilabi yolə rəhbəri jıqonə vəziyyəti icod be dəlilış imon və kərimə ğıroni həğiğətiku doəru mandeş zınə və votışe: ım odəmon zahirədə bə kərimə ğıron bovəşon heste və hətta can milyon kərimə ğıroni nışr kardən əmmo əmələdə kərimə ğıroni əmronku bə kəno hərəkət kardən və de kofiron mənus hestin və ə sərvət ki bəpe milləti jimoni çok kardeyu sərf bıkə bə kofiron və milləti deşmenon təğdim kardən.
yolə rəhbəri bə bəzi murtəciə məmləkəton səhvə xiyol işarəş karde ki təsəvvur kardən de pul islamiyə deşmenon səmimiyyəti cəlb karde bəznen və əlavəş karde həğiğət ıme ki heş qıləy səmimiyyət vucudış ni və jəqo ki amerkəvıjon ıştən votəşone əvoni bənə zandəqo bəduşən və peso çəvon qi bəbıren.
Həzrət Ayətullah Əl-uzma Xamenei Yəmən iyən bəhreynədə bə dini zid rəftoron iyən batili nabud beyu bə kərimə ğıroni vədəon işarəş karde və votışe: ə kəson ki bə mıslmonon zid jıqo koon əncum dodən butyl hestin və butyl de ğətiyyəti bəje ebəqıne və arəku bəşe.
əlbətddə çəvon nabud be zəman bə momenon çıcurə əməl karde anqıle və əqər momenə ictimaiyyət səhih əməl bıkə batilı nabodi rəv əncum bəbe.
yolə rəhbəri bə ironi zid səddamı bəs rejimi canqədə bə ironi milləti təcrubə və səbarzətion işarəş karde və votışe: millət ne ım ki ım canqədə de təyliyə dasti bə səbarzəti rəsə bəlkə 40 soriku veye ki qıləy zumandə cəhbə vədə ki həmmə tərəfiku şımşişon rost kardə mubarizə bardəy və ım təcrubə nışon dodə zumand iyən izzətmand və muvəfəğğə inkişafi ro de kərimə ğıron əlağədəy.