İroni nıştəco voleybol milli komanda nəvminə dəfə dınyo çempiyon be

Pars Tudey-İroni nıştəco voleybol milli komanda Bosniya və Herseqovina 3-1 hisobi məğlub kardə holədə dınyo çempiyon be.

Pars Tudey bə IRNA istinodən doə məlumoti əsos,14-ə Dınyo Nıştəco Voleybol Çempiyonati final cımə ruji çe Çini Hançjou şəhrədə bərpo kardey bıə.Bın matçədə bə həşt dınyo çempiyonəti tituli soyb bıə Hadi Rızayi şoqirdon de Bosniya milli komanda dimbədim omə. Dınyo Çempiyonati final matçədə deştə dəvəşəti İroni komanda çe Bosniya komanda 3-1 hesabi məğlub kardeyış zınə. Hadi Rızayi şoqirdon de ın ğələbə nəvminə kərə çempiyonəti titulışon ğeyd kardə.İroni komanda çımi bənav 8 çempiyonəti titul,dıminə vırə və dınyo keşonədə seminə vırəş kəsb kardə.Bə çın mısobiğəon finali rost bıə İron və Bosniya milli komandəon həm 2028-ə sori Los-Anceles Olimpiya Hənəkonədə iştirok kardey huğuğışon bə dast vardə.