Bağıri Kəni:Hormuzi tanqə çı İroni xalği tale mıəyyən kardə amile
Pars Tudey-İroni Ali Milli Əmniyyət Şura katibi mıovin Hormuzi luk çe İroni xalği mıəyyən kardə amilış zıne və bə muharibədə bıə məğlubiyyəti rəğmən,bə AİŞ-on bə ın tanqə hakim bey cəhd kardey,lakin İroni silohinə ğıvvon bə ın məğsədi rəsey imkon nıdoeyış təkid kardə.
Pars Tudey bə İroni Tele-Rədyo Mərkəzi istinodən doə məlumoti əsos,İroni Ali Milli Əmniyyət Şura katibi mıovin Əli Bağıri Kəni-İroni Televiziyaədə xususi xəbə tok-şouədə bəyonış kardə: Hormuzi tanqə fəğət beynəlxalğə ovi ro ni;nat,ğaz,ərzoğ,tranzit və hərbi bazəon həm daxil bıə holədə bə barzə qeosiyosi zızdəti malik bıə ın məntəğə çe İroni milləti tale mıəyyən kardə arenay. Əy əlovəş kardə:De İroni canqədə məğlub bıə amerkəvıjon ısət de bə ın luki hakim bey,çe İroni zu rıçaği miyoniku peqətey piyedəşone,lakin İron İslomi Respublikə bəçımi zidd de zəko və ğətiyyəti mandedə.AİŞ-on de Pokıstoni Təfahumi Memorandumi anqıl ehdəmonon darıştey işorə kardə Bağıri Kəni ğeydış kardə:“Muhoribədə bə beovandəti dıço bey bədiqə amerkəvıjon de hərbi təzyiğ və təhdidon İroni sənibəton bo mızokirəroro məcbur kardero səyışon karde,əmmo İron bəştə imkonon peştıpur bıə holədə ın hiyləş bə puç bekarde.Hormuzi luk bo İroni milli suverenəti məsələy və bın sahədə hiç qıləy bəhonə vardey mumkin ni.
