Əmir Əkrəminiya: Ləşkər tam hozzıye

Pars Tudey-İroni ləşkəri sıxanəvoti bəyonış kardə ki,İroni İslomi Respublikə ləşkər tam hozzıə vəzyətədəy və de zədə vində sistemon təmir kardey,nuyə təchiziton idxal kardey və bə daxili imkonon peştıpurəti əməliyyoti hozzıəti ziyod kardey ro dumo yande dəvom kardedə.

Pars Tudey bə Təsnim Xəbə Aqentəti istinodən doə məlumoti əsos,Əmir Məhəmməd Əkrəminiya canqi hozzıəti xandi kardey,fəğət bə təchiziton təmin kardey nıbey təkid kardə holədə əlovəş kardə:Oxonə soronədə İroni ləşkər boştə mıdofiyə ğabiliyyəti çok kardey eyni vaxtədə bə çandə qılə tədbiron əsose; mevcudə sistemon sənibəton xandi kardey və tojə kardeyku tosə nuyə təchiziton idxal kardey,daxili imkonon inkişof kardey və ğıvvon motivasiya və əhvol-ruhiyyə zumand kardey. Əkrəminiya təkidış kard:Ləşkər bə muhəndisəti və ixtisosinə imkonon peştıpur bıə holədə,təchiziton sənibəton oney və təkmil kardey roy dəvom kardedə.In proses fəğət texniki əməliyyot ni,həmən çe –İroni okkuye ğudrəti xandi kardey və surətinə reaksiya zu ziyod kardero çı yolə mıdofiyə strateqiya qıləy hissəy. İroni ləşkəri sıxanəvoti əlovəş kardə:“Mıdofiyə ğabiliyyəton inkişofi i hissəsi çe İroni ləşkəri daxilədə, diqər hissə həm de mıdofiyə sənaye və İronədə bıə de diqər ixtisosinə qrupon həmkoəti çərçivədə bə həyot dəvodıney beydə;ın proses fəğət xarici bəşıkrəti bəkam kardey kəno,həmən de surəti nu kardey və əməliyyoti ehtiyocon vey mınosibə cəvob doey imkoni doydə.”