Boçi Amerkə etımod kardənin ni?

İroni İslomi prezdent de işorə bə Amerkə dıvləti bədəhdion təkidış karde: bə Amerkə etımodımon ni.

İron və Amerkə rabitəon torixi təğib kardey nışo doydə ki bədəhdion nə qıləy hodisə ki Amerkə İ Bıə Ştaton xarıci siyosətədə qıləy strateqiya adət və metod be. Əlcəzirə mığuvilədə İroni molon əmonədə bey nəzə nıqətey, tosə İslomabadi sazışi çərçivədə bəştə təəhudaton əməl nıkardey və Atomi hartərəfinə mıştərəkə fəaliyəti planku itərəfə xarıc bey.İroni İslomi Respublika prezdent Məsud Pezeşkiyan de Əlcəzirə votımonədə de işorə bə Amerkə bədəhdion sabiğə, canqi təcrubə, hərbi həmlə və muzakirəku bəpeşt sanksiyaon, Tehroni nəzə əsos ğərorış do iyən votışe: İron muzakirə kardey rəd kardedə ni, əmmo hozzo ni ki be qarantiya və be ım ki nakonə təəhudaton ko məlum bıbu, bə Vaşinqton etımo bıko. Im nəzə, Tehroni diplomatiya ədəbiyotədə qıləy vey muhimmə məsələy. Pezeşkiyan muzakirə və etımod miyono marz təyinış karde. Muzakirə ijən mumkine, əmmo etımod, ijən bənə muzakirə muğəddəmə ni. Etımod bəpe de Amerkə hərəkəti icod bıbu.Pezeşkiyan sualış karde vaxti nakonə sazış imzo bıə və Amerkə həmonə sazışi icroş nıkarde, de kom hədəfi de Amerkə prezdenti bəpe vindemon bıkəmon? Çən, ısət muşkil fəğət sazışi mıhtəvo barədə ixtilofon ni, vey muhimmə məsələ Amerkə təəhudaton etıboe.Bə həminə xoto, İroni prezdent təkidış karde ehtımoliyə muzakirəon bəpe bə nakonə mığovilə əsos bıbu və Amerkə çəy barədə ıştə nəzə ruşin bıko.Tehron dılış ni ki sıftəku muzakirə bino bıbu. qıləy çərçiv hozzoe və Vaşinqton bəpe çəy sərnıvışti barədə cəvob bıdə.Canqi təcrubə həm bə ım hisob kitob əlovəş karde. Tehroni nəzəku, muzakirəku sıxan votey və muzakirəku bəpeşt bə sanksiya və hərbi həmlə təvəssul kardey səhih ni.Qıləy muzakirə ki hərbi təhdidi kənoədə ğəror bıqəto, bo İroniro hiç qıləy siyosi etıboş ni. Hormozi tanqə məsələ həm həminə çərçivədə məno peydo kardedə. Pezeşkiyan Hormozi tanqə dəbastey, bə Amerkə ğəyri ğanuni təziğon İroni reaksiya zınəşe, əmmo həmzəmon təkidış karde Hormozi tanqə bıhron muzakirə royku həl bəbe nə de zu vositə. Im yəni Tehron, deştə qeosiyasi potensialonku istifodə kardey vıcudi, diplomatiyaədə behroniku xarıc bey roy vindeydə.Pezeşkiyani reqional mesaj həm ruşine: Farsi dıyo bə reqional polis ehtiyocış ni. Məntəğə əmniyyət bəpe de məntəğə kişvəron vositə təmin bıbu. ım nəzə, əmniyyəti memori bə Amerkə hərbi iştiroki əsos, sərost surəti suali jiədə ğəror doydə və behranon həl kardeyədə, bə məntəğə kişvəron rol təkid kardedə.İroni prezdent ijən kişvəri bə ğərol omey strukturədə bo fosilə icod kardeyro, cəhdon benəticə zınəşe. De İslomi inğilobi Rəhbəri dırozə mıddətə vindemonon Pezeşkiyani işorə, bə deşmonon qıləy cəvob be ki bə İroni bə ğərol omə təşkilaton miyono ixtilofonro umudəvo hestin. Həğiğətədə kişvəri vey yolə ğərolon qıləy təyin bıə çərçivədə əncom beydə və muzakirəkəyon həm bə həminə əsos və çərçivə əməl kardedən.Oxoədə işorə kardey lozime ki İroni İslomi Respublika prezdenti nəzə, bə ğərbi vədə, Tehroni metodədə vey muhimmə əvəzon nışonəy və qıləy diplomatiya xoşbinəti ni bəlkəm bə torixi təcrubə realizmi əsose. Ayəndədə harcurnə muzakirə jığo şəroyetədə məno peydo bəkay ki Amerkə nəyem ki bəştə nakonə təəhud pobənd bıbu, bəlkəm de əməli hərəkəton və çəvon dırıstəti imtivon kardey xoto İorni nəzə ijən cəlb bıko. əqər jığo nıbu, ım votımon foydəş ni. Co qılə sıxanədə vey muhimmə məsələ ıme ki Vaşinqton muzakirə, təəhudi darıştey və bə sankaiya və canqi oqardey, bə oxo rosniye çoko qarantiya təğdim bəkay kardə?