Nizomi-İntizomi ğıvvon çı İroni əmniyəti ğoyimə sutunin
Bə Nizomi-İntizomi ğıvvon haftə mınosibəti xoto İroni Yolə Rəhbər qıləy mesajədə bə İroni əmniyəti oqətey iyən 2 və 3 minnə icbor bıə canqon cərəyonədə dışmoni həmləon vədə muğavimət kardey roədə çın ğıvvon roli işorə iyən çəvon iyən çəvon ailəon mucahidət və fidokorətion bə təğdiri loyiğ bə hisobış varde.
Ə Həzrət çı İroni Nizomi-İntizomi ğıvvon həmmə tərəfinə ğudrəti iyən zumandəti kənoədə bə fəaliyəton ivəy məmuriyətonədə çı tojə texnoloqiyaon əcumlə Suni İntelektiku hədəfin və hevuj surəti istifodə kardey bənə lozimə koy bə hisobış varde.Həzrət Ayətullah Seyd Muctəba Xameneyi mesaj jeğo iborəte:De Əbaxş İyən Mehribonə Xıdo nomiƏmniyət çı İlohi vey muhimmə nemətonkue iyən çəy bərpo kardey əzizə İroni muxtəlif vırəonədə, yolə şəhron tosə dion iyən məhəlləon, saxtə şərayetədə iyən muxtəlif iğlimış bıə bandiyə məntəğonədə bıə sərhəddonku tosə dıyo ovon, çı Nizomi-İntizomi ciqəmand, zəhmətbıkəş iyən fidokorə ğıvvon fəaliyəton sayədə bənə kişfəri əmniyəti zumandə sutuni icod bıdə.In əmniyət camiyədə muxtəlif iştimoyi, əxloği və umumi rifoh icod kardə iyən jığonə erjinə xidməton Xıdo royədə cihodi kənoədə camiyədə vey zumandə himoyəonış heste. Tojə soronədə çı əmniyəti təminkardeyro Nizomi-İntizomi ğıvvon rol muxtəlif sahəonədə, fərmondətiku tosə məhəlləonədə bıə mərkəzonvey barz iyən rost bıə ki çəy nışonəon 2 və 3 minnə icbor bıə canqonədə har zəmoniku vey oşko vindey bıdə. Jəğo ki bə Nizomi-İntizomi ğıvvon fərmondəon iyən muxtəlif məydoni baxşon çı Amerkə-Sionist cinoyətkorə rejimon zərbə varid kardey təmərkuz iyən isror çın təşkiloti əhəmmiyəti harzəmoniku vey oşkoş kardə. Əmmo bə İroni camiyə nəzm iyən əmniyəti zidd ın xəbisə cəhdon və zərbəon ki tule torixədə bənə çəy peydo nibəbe bois nıbe ki Nizomi-İntizomi ciqəmandə ğıvvon i ləzə həm ıştə koy iyən məmuriyətiku bə kəno bımandon və hətto xiyobonon iyən maşinonədə həmonə roli ifo kardışone ki ıştə hərbi bazaon və mərkəzonədə əkardin.Boçimixoto İroni məzlum iyən zumandə millət bə İroni əmniyəti daimən xidmət kardəkəson zəhmət iyən cəhdon bə təğdiri loyiğ zıneydən və çəy vədə Nizomi-İntizomi ğıvvon həm bənə Sepah və Ərteş ki umum iştimoyiyəti miyo hestin dıştə etımo icod kardə rəftori karde bəznın bə in erjinə ğıvvə milləti xatircəməti əlovə bıkon. Mumkine ki kali faxt çı əmniyəti muhafizə kardə kəson fidokorəti iyən zəhməton kali kəson nəzdədə adi cilvə bıko ki həmin məzlumiyət iyən qimnoməti İlohi dərqohədə çəvon vırə əlovə kardə. Nizomi-İntizomi ğıvvon həmmə tərəfinə zumandəti muxtəlif cəhəto əcumlə insoni, təchizot, siyosət, bərnomə xususi texnoloqiyaon cəhəto bənə Suni İntelektiku istifodə kardey baxşonədə çın təşkiloti fəaliyət və məmuriyəton keyfiyət iyən koon hoston kardeyədə vey muhime.Xıdoku bo Nizomi-İntizomi şəhidə ğıvvon İlahi Rizvon və barzə məğomi tələb kardəm, iyən çın ğıvvon ailəon, koəkəyon, əsqəron və məxsusə ğıvvon əcumlə çı təşkiloti ciqəmand, huşin və onıqıniyə fərmondəku ğədrdonəti iyən çəvon mucahidətonku təşəkkur kardey umdəvum ki de çəmə Əğə iyən Sərvər(əc)-i dıvoon əvon çı İslomi İroni izzət, iğtidor və əmniyəti çımiku vey rost kardey cəhəto muvəffəğ bıbun.Seyd Muctəba Huseyni Xameneyi – 1405-ə sori – Mehr manqi 16
