Bə Həzrət imom Həsən muctəba(ə) milad mınosibətiku təbrik.

Imruj şanbə hicri şəmsi 1396-ə sori xordad manqi 20 hicri ğəməri 1438-ə rəməzanə manqi 15 bərobər de milady 2017-ə iyonə manqi 10 dınyo şiəyon 2 minnə imom həzrət imom Həsən Muctəba(ə) səadətinə milady sorqardımone.

İmom Həsən Muctəba(ə)  ki hicri ğəməri 3 minnə sori rəməzanə manqi nimədə Mədinə şəhrədə bə dınyo omə dınyo şiəyon 1 minnə imom  Əmire mominon Əli ibne Əbi Taleb(ə) və Xıdo rəsul(s) əzizə kinə Fatimə Zəhra(s) 1 minnə avlod be ki Xıdavəndə xalığ bə ım yolə şəxsiyyəton ğısmətış karde.

Həzrət Əli(ə) və Həzrət Fatimə(s) ıştə 1 minnə avlodi bə dınyo omə ruji ıştə hırdənışon Xıdo rəsul(s) tono bardışone ta çəy nomi bıvıjno.

Xıdo rəsul(s) de Xıdavəndə xalıği əmri çəy nomış Həsən çok iyən çəyri mənoədə vıjnişe.

imom Həsən(ə) ım fəxrış hest bı ki ıştə jimoni 7 sorış ıştə əzizə cəd islam peyğəmbər(s) muhəbbətinə sayədə dəvonişe və ım ğeymətinə fursətdə islami əzizə peyğəmbər(s) novraniyyətiku bəhrəş barde və peso 30 sor ıştə əzizə dədə Həzrət Əli(ə) yu huşin iyən sadiğə tələbə be.

ironi telerədyo tərəfo Həzrət imom Həsən Muctəba(ə) viladəti bə əhle beyte ismət və təharəti(ə) aşiğon məxsusən tolışə əməson və həmzıvonon təbrik votdəmon.