Məsul şəxson iyən mudiron vindımonədə inğilabi yolə rəhbəri bəyonot.

İslami inğilabi yolə rəhbəri zinə əsrə vaxti ironi president məhkəmə iyən məclisi rəison və məsul şəxson cəmədə ironi inkişafiyu həmkarəti iyən fəaliyyət kardeyu bə tojə şərayeton icod karde zərurəti işarəş karde və votışe:səhihə holətədə məmləkəti idarə kardeyu təcrubəonku istifadə kardeədə ki çəvon muhimmə qılan milliyə vəhdət və bə Amerkə bovə nıkarde heste bəpe bə ğərolon və planon səhihə fakton peştpur bıbəmon.

Həzrət Ayətullah Əl-uzma Xamenei bə tojə məsəlon diğğət doeədə mayə manqi 19 minnə ruji vıjnımoni barədə votışe:  dəvardə nezə rujonədə prezidenti iyən şəhron və dionədə islamiyə şura vıjnımon qıləy yolə ko be və inğilabiyə ğıvvə və milləton dılədə islamiyə nizomi zumanə nufuzi nışon dodə hərçənd beynəlxalğə mediyaon ıştə yolə təbliğatonədə bə ım muhimmə məsələ heç qılə işarə kardə nin.

yolə rəhbəri ironi prezidenti vıjnımoni bəpeştə bə amerkəvıjon notəmizə hərəkət sanqsiyaon ve kaardeyu işarəş karde və ıştə sıxanon dəvomədə əlavəş karde ım deşmenətion vədə bəpe bə mıştərəkə hədəf yəni məmləkəti inkişaf və islamiyə Respublika bəpe bardeyu həmkarəti ko və fəaliyyət kardeyu tojə şərayet icod karde və həmmə ə icod kardə şərayetəndə şərik bıbon.

İslami İnğilab yolə rəhbəri peso bəştə əsosə bəhs yəni məmləkəti səhihə mudiriyyət və səhihə ro na səhihə royku zıne həxədə votışe:məmləkəti səhihə idarə karde 1 minnə mərhələdə ğərolon hozzı karde və bə ğərol omeədə fakton oşko kardeyu və coqlə mərhələdə bə dəvardə 38 sori təcrubəon oko doe  ehtiyocimon heste.

Yolə rəhbəri işarəş karde istikbariyə ğıvvon de zu ıştə tələbon bə vırə rusneyu mıxtəlif roonku istifadə kardən və əlavəş karde çı roonku qıleni  beynəlxalğə rəftoron iyən metodon nomo mıstəkbiron faydon təmin  kardeye ta çı royku mıstəğil və de zılmi mubarizə əkə məmləkəton beynəlxalğə rəftor iyən təin bə roon darışteyu məhkum bıkə.

İslami inğilabi yolə rəhbəri votışe: bı rujonədə amerkəvıjon ironi həxədə ıştə sıxanonədə beynəlxalğə əxlağ və rəftoron muvzoədə məntəğə no orom karde məsələşon bəyon kardə ki çəvon cəvobədə vote bəbe əvələn ım məntəğə de şımə çı əlağəş heste və 2 minnə məsələ ım ki məntəğə no oroməti dəlil şımə və şımə şərikonin.

Həzrət Ayətullah Əl-Uzma Xamenei İŞİD terroristi və təkfiriyə qrupi icod kardeyu və bə ım qədə qrupi hərbi iyən coqlə imkanon komək rusneyu bə amerkəvıjon roli işarəşon karde və votışe:bə İŞİD terroristi və təkfiriyə qrupi zid koalisiya təşkil doe qıləy doə idday əlbətdə amerkəvıjon kontırol nıbə İŞİD ğıvvəndə muxalif hestin əmmo əqər kəsi bıpiyoşe həğiğətən İŞİD terroristiyə qrupi nabod bıkə dəy mubarizə bəkan.

Amerkə məsələ coqlə muvzo be ki islami inğilabi yolə rəhbəri çəy həxədə qəpış jə və votışe: xəyli məsəlonədə de Amerkə əsosən həl əbı nin  çinki Amerkə problem dəmə bəzi məsəlon min cumlə atom enerji və insonə həxədə ni bəlkə çəvon problem islamiyə respublika əslədəy.

Həzrət Ayətullah Xamenei ıştə sıxanon oxoydə ironi millətış  bəji islamiyə inğilabış zuman və cıvonış zınə və votışe:ım şərayet milləti çokə taleku xəbə dodə və omimon heste milləti vəziyyət ruj bə ruj çok bıbo və təhdidon həmməysə çokə roədə bə kəno bıjənəmon.

İslami inğilabi yolə rəhbəri sıxanonku bə nav president Ruhani vıjnımonədə ğəhrəmanə hərəkəti xəlğ kardeyu millət və inğilabi yolə rəhbəriku təşəkkurış karde və votışe:vıjnımonədə səbarz bə tərəf milləte və rəğabət iyən ğalməğalon devran bə oxo rəsə və ımruj bəpe bə milləti tələbon diğğət bıkəmon.

president Ruhani milləti muhimmə tələbış ixtisadiyə problemon məxsusən ko və fəaliyyəton icod karde və cəmaəti qozərani çok beş zınə və əlavəş karde şək ni ki əqər həmmə iyandı kənoədə inğilabi yolə rəhbəri peştədə ğəror bıqətəmon bəznemon problemon həl karde.