İroni Məşhəd şəhrədə islamiyə telerədyo iclosədə 400 qılə xariciyə mehmon iştirak bəkan.

İslamiyə telerədyo iclosi 9 nə devrə icraiyə komitə katibi votışe:çandə 10 qılə islamiyə məmləkətiku 400 qılə xariciyə mehmon ım iclosədə iştirak bəkan .

Bə telerədyo aqentəti xəbon əsosi islamiyə telerədyo 9 nə iclosi icraiyə komitə katib Lohrasb Bəhmənpur işarəş karde ım iclos iyoli 2 desbə 4-ə ironi şimal şərğ Məşhəd şəhrədə bərpo bəbe və əlavəş karde ha sor islamiyə telerədyo iclosi kənoədə islamiyə kinoon vıjor de telerədyo pokə məhsolon təğdim karde şoari ve qam bedə ki ımsor həm çı vıjori 7 nə devrə Məşhəd şəhrədə bərpo bəbe.

islamiyə kino 7 nə vıjori mudir Muhəmməd Əli Ənoşe həm həminə muvzo barədə votışe:ımsornə sori kino vıjorədə 20 qılə məmləkətiku 133 qılə TV kanal iyən kinoəsoxtə muəssisə həmçinin bərnamə təmin kardeyu bıə şirkət huzurışon heste.