İroni rəketi ğudrət

İroni bumiyə rəketi ğudrət,İron İslom Respublika ğıvvə fundamentonku bə hisob omeydə və bo İroni zəmini çı xarici ğıvvon həmləonku mıdofiyə kardero,çandə sorone ki,ın rəketon bə hədəfi dəğiğ formədə rəsey ərsədə inkişof kardə holədəy.

İron İslom Respublikə Yolə Rəhbər və Ali Sərkomandan Həzrət Ayətullah Xameneyi çandə vaxt çımi bənav bə İroni hərbi sənaye bumi və inkişofinə texnoloqiyaon osə ğandə vaxti,bə mıdofiyə ğudrəti inkişofi ziyod kardey təkidış karde və hamyeşone:

“...ımrujnə dınyoədə ki,zolımkor iyən imperialist və çı hiç qıləy əxloği keyfiyyəton,çı insoniyyət və vicdoni soyb nıbə ğudrəton hukmronəti kardedən iyən bə co məmlkəton təcavuz,həmlə kardey və əyo beqınoyə insonon kışteyku hiç qıləy tarsışon ni,çəmə mıdofiyə sistemi inkişof doey və komilə surətədə təchiz kardey,qıləy təbiiyə koye.zira ın ğudrəton çoko ki,çı kişvəron zumandəti hisskəyn,bvədə çəvon əmniyyət nibəbe.”

Isət İron İslom Respublikə mıdofiyə sənaye nəzəku və hətta hucm kardey cəhəto,ım ğabiliyyətış heste ki, bəştə bumu hərbi sənaye peştı pur bıə holədə regioni təhlukənin kardə ğudrəton mığobilədə bımando.

İroni mıdofiyə vəzir general-mayor Huseyn Dehğan bın dəvardə rujon İroni hərbi ğıvvon bə DAEŞ terroristə qrupi Deyruz-Zurədə bıə dastəon tərəf ğandə rəketon təkidış karde və voteşe:”İron bə har qıləy təhdidi de mumkin bıə şiddətinə forməon cəvob bədoe.”

İyuni haftədə tehronədə bıə terroristə həmləon vaxti,kali analitikon çı İroni əmniyyət sektorədə bıə ğudrəti bə sıvoli ji bardeşone.bə ın hərəkəti çı İroni tərəfiku qıləy saxtə cəvob doey be və İroni İnğılobi Nığo doə Ğıvvon(Sepah) bəştə zotiyə vəzifə əsos,bə Suriyə Deyruz-Zurədə DAEŞ terroristə qrupi əslə mərkəzi tərəf şəş qılə miyonə mənzilinə “zəmin bə zəmin” tipədə bıə rəketış vığande ki,ım həm çı İroni Hərbi ğıvvə zumandəti nışonə be və ım ko nışonış doe ki,İron boştə əmniyyəti hifz kardero hiçkəsiku icozəş nıstəne.

Umumi formədə rəketon bə çoqlə dastə Həvo bə həvo,həvo bə zəmin,zəmin bə həvo iyən zəmin bə zəmin təğsım bedə.çımon har qıləyni həm bəştə pəre ğudrəti,vəşemoni novi iyən bə hədəfi qıniye sistemi əsos,bə çandə qılə qrupon təğsım bedə.bın qrupədə Kruz rəketon (Cruuise missiile) və ballestik (Ballistic missil) rəketon qıləy stratejikə əhəmiyyətışon heste.

İroni de ğoymə vəşemoni bıə və bə vey diyəroə vırə pərə iminə rəket “Siccil” rəkete ki,kali eksperton əy çı İroni vey barzə ballestik rəket zıneydən.ım ballestik rəket 2000 kilometr məsafədə hədəfi jedə.

Ballestik rəketon qrupədə İroni “Şəhab” rəketon vey  məşhurin və ım çı İroni mıdofiyə sənayedə bıə vey inkişofinə rəkete.Şəhab 4 və 5 barzə ğudrəti soybe və 3000 kilometr məsafə şedə.”Hut” çı İroni vey rə hərəkət kardə ovi jiyədə  bıə iyən radariku vitə rəkete ki,saniyədə 100 surətış heste .