Xəzayi Viyana şəhrədə votışe:İron məntəğədə əmnə sərzəmine.

İron İslam Respublika ixtisadiyə koon vəziri muavin Muhəmməd Xəzayi votışe: İron məntəğədə qıləy əmnə sərzəmine.

Muhəmməd Xəzayi zinə Viyana şəhrədə ironi neft kimiya sərmayə noe iyən inkişafi iclosədə votışe: İron mıxtəlif baxşonədə mincumlə xariciyə sərmayəon ğəbul karde vəsiləon və imkanon hıre iyən devləti və xususi mıştərəkə planonədə de xariciyə şirkəton həmkarətion ve kardeyu hozzı.

İron İslam  Respublika ixtisadiyə koon vəziri muavin ironi ixtisadi mıxtəlif baxşonədə min cumlə neft kimiya baxşədə bə sərmayənoe emtiyazon işarəş karde və votışe:İron sərmayənoe iyən maliyə həmkarətionru qıləy çokə vırəy.

Muhəmməd Xəzayi ironi neft və qazi yolə ehtiyatonku istifadə kardeyu yolə vıjori kənoədə iyən cuğrafiya cəhətdə nımonə muvğeiyyətış ironi neft kimiya baxşədə sərmayə noeyu cəzbinə muvzoş zınə və votışe: de məntəğə məmləkəton ironi çokə ticariyə əlağon xoto bə İron xariciyə sərmayəon daxil kardeyu iyən bə məntəğə coqlə məmləkəton istihsal bə vəsiləon ixracat kardeyu çokə şərayet heste.