Tehroni cumə nımoji xətib:ğərbiyə insonə həx pesoxtə bə sıxane.

Tehroni cumə nımoji xətib ğərbiyə insonə həxış qıləy pesoxtə bə sıxanış zınə və votışe:insoniyə huğuğiyə təşkilaton ale Səud və ale Xəlifə cinayəton vədə tamışon jə.

Huccətul İslam Vəlmuslimon Kazım Seddiği tehroni ım haftə cumə nımoji xutbəonədə həmmə cəhətonədə Amerkə Səudiyyə Ərəbıston və bəhreynıku tərəfdarətionku işarəş karde və votışe: Səudiyyə Ərəbıstonı rejim və ale xəlifə Amerkə president Donald Trampı havzə çoədə Ərəbıston Yəmən və bəhreynı millətış təziği jiyədə ğərorış doə.

tehroni cumə nımoji xətib əlavəş karde Bəhreyn Yəmən və Ərəbıstonı şərğ hissədə bıə mıslmonə cəmaəti vəziyyət insonə həxon koonədə beynəlxalğə ictimaiyyəton tam jeədə dəhşətinə vəziyyətdəy.

huccətul islam vəlmuslimin Kazım Seddiği həmçinin bə Azərbaycan Respublika  mıslmonon vəziyyəti həm işarəş karde və votışe:çı məmləkəti devlət Azərbaycan Respublika millətiyu Kərimə Ğıroni təlimaton və əzadarətionış ğədəğən kardə.

tehroni cumə nımoji xətib Niqeriya islamiyə hərəkati rəhbər Şeyx İbrahim Zəkzaki çı məmləkəti devləti tərəfo əsorəti dəvomiku işarəş karde və Niqeriya rəsmi şəxsonku tələbış karde çəy əsorəti dəvom pəydo karde həxədə cəvob bıdə.

huccətul islam vəlmuslimin Kazım Seddiği həmçinin İron İslam Respublika məhkəmə təşkilati rəsmi şəxsonku tələbış karde dınyo həmmə vıronədə bə mıslmonon zid cinayəton domo bıqəton və dınyo məzlumon barzə sədo bıbon.

islami inğilabi yolə rəhbər həzrət Ayətullah Əl-uzma Xamenei dəvardə haftə 2 şanbə ruji məhkəmə təşkilati rəis iyən məsul şəxson və ironi həmmə ostanonədə bə məhkəmə təşkilaton rəison vindımonədə işarəş karde huğuği cəhətdə beynəlxalğə məsəlon və hadison domo qəte ve muhimme və məhkəmə təşkilat bəzne ım məsəlonədə daxil be və ıştə mudafiyə bıkə nəzə və ya muxalifəti de zumandəti elan bıkə ta bə dınyo bırəso.